مملکت سعودی عرب اقوام متحدہ کے ای گورنمنٹ ڈویلپمنٹ انڈیکس (ای جی ڈی آئی) میں دنیا کے ٹاپ 5 ممالک میں شامل ہو کر آن لائن سروسز انڈیکس (او ایس آئی) میں دنیا بھر میں پہلے نمبر پر آ گیا اور اس طرح سعودی ویژن 2030 کا ہدف 4 سال پہلے ہی حاصل کر لیا۔
اقوام متحدہ کی رپورٹ جس میں 194 ممالک کا جائزہ لیا گیا میں بتایا کہ سعودی عرب نے ٹیلی کمیونیکیشن انفراسٹرکچر انڈیکس (ٹی آئی آئی)، پارٹیسیپیشن اینڈ اینگیجمنٹ انڈیکس (پی ای)، اور ای گورنمنٹ انفراسٹرکچر انڈیکس (ای جی آئی) میں بھی دنیا بھر میں پہلے نمبر پر رہا جبکہ ریاض نے لوکل آن لائن سروسز انڈیکس (ایل او ایس آئی) میں پہلا نمبر حاصل کیا۔
اس طرح سعودی عرب ڈیجیٹل حکومت کے انفراسٹرکچر (ای جی آئی) میں دنیا بھر میں پہلے نمبر پر ہے جو اس کی تکنیکی صلاحیتوں میں ہونے والی پیشرفت اور اس کے ڈیجیٹل سسٹمز اور پلیٹ فارمز کی مسلسل ترقی کو اجاگر کرتا ہے۔


































