پاکستان ایسوسی ایشن دبئی میں ’زیک انٹرنیشنل انسٹیٹیوٹ‘ کے زیرِ اہتمام یومِ اقبال کی پروقار تقریب

کائنہ عرفان نے تقریب کے دوران پیش کیے جانے والے ہر کلام کے ساتھ پسِ منظر میں بہترین تصویری پیشکش (Visual Presentation) کے فرائض بھی سرانجام دیے۔ محمد ابراہیم (او لیول): انھوں نے ’اقبال کا خواب اور آج کا پاکستان‘ کے موضوع پر تصور پاکستان اور حقیقی پاکستان کا نہایت جامع تقابلی جائزہ پیش کیا۔ پروگرام کی نظامت بارہویں جماعت کی طالبہ عروہ مدثر نے نہایت عمدہ اور پُراعتماد انداز میں کی اور مترنم کلام اقبال پڑھ کر محفل کو چار چاند لگا دئے.

تقریب میں طلباء کے والدین اور زیک انٹرنیشنل انسٹیٹیوٹ کے دیگر طلباء کی بطور ناظرین بڑی تعداد میں شرکت سے لائبریری میں خوب گہما گہمی رہی۔ تقریب کے معزز مہمانانِ خصوصی میں درج ذیل شخصیات شامل تھیں.محترمہ تسنیم کوثر: لاہور سے تشریف لائی ہوئی معروف شخصیت، جو سوشل میڈیا پر خواتین کی صحت اور تندرستی کے حوالے سے منفرد انداز میں رہنمائی فراہم کرتی ہیں۔ نوید صدیقی: برطانیہ کی باتھ سپا یونیورسٹی (Bath Spa University) کے راس الخیمہ کیمپس اور دیگر عالمی جامعات سے منسلک ماہرِ تعلیم اور زیک انٹرنیشنل کے یونیورسٹی پروگرامز کے سربراہ۔ محترمہ عائشہ شیخ عاشی: یو اے ای کی معروف شاعرہ اور پیشے کے لحاظ سے ایک ممتاز بینکر۔ محترمہ شیرین: اردو ادب کی استاد اور شاعرہ۔ فرہاد جبرائیل: صاحبِ طرز شاعر اور یو اے ای کے ایک نمایاں تعلیمی ادارے سے وابستہ استاد۔ تمام مہمانانِ خصوصی نے طلبہ کی کارکردگی کو سراہا اور علامہ اقبال کی شاعری، ان کے افکار اور فلسفۂ خودی کی اہمیت پر بچوں سے فکر انگیز گفتگو کی۔ تقریب کے اختتام پر زیک انٹرنیشنل َنسٹیٹیوٹ کی جانب سے طلباء میں اسناد (سرٹیفکیٹس) اور لائبریری کی مناسبت سے کتابوں کے تحائف تقسیم کیے گئے تاکہ ان میں مطالعے کا شوق پروان چڑھ سکے۔. او لیول کے طالب علم محمد شاہجہان کو نصابی اور غیر نصابی سرگرمیوں میں مسلسل بہترین کارکردگی پر لیپ ٹاپ کا تحفہ دیا گیا. زیک انٹرنیشنل انسٹیٹیوٹ کی پرنسپل نبراس سہیل نے اس موقع پر اپنے خیالات کا اظہار کرتے ہوئے کہا کہ نئی نسل کو کتاب اور اپنے عظیم مفکرین کے فلسفے سے جوڑنے کے لیے ایسی علمی محافل کا انعقاد ناگزیر ہے۔ آخر میں انھوں نے نیاز مسلم لائبریری کے انچارج نیر سروش اور پاکستان کلچر کمیٹی کے سربراہ محمد طہٰ کا تہہ دل سے شکریہ ادا کیا، جن کے بھرپور تعاون سے طلباء کو ایسی خوبصورت علمی و ادبی محافل سجانے کا موقع ملتا ہے۔

Share On Social Media

KARACHI

فیڈریشن ہاؤس کلفٹن میں “ویمنز لیڈرشپ اینڈ اکنامک فورم” کا کامیاب انعقاد

، فیڈریشن ہاؤس کلفٹن میں قائدین، جدت پسندوں اور سماجی رہنماؤں کا ایک اعلیٰ سطحی

Read More

جماعت اسلامی کا ٹرین مارچ ملتان پہنچ گیا، اسلام آباد میں سیکیورٹی ہائی الرٹ

پیٹرولیم لیوی ٹیکس کے خلاف جماعت اسلامی کا سُپر ٹرین لانگ مارچ امیر جماعت اسلامی

Read More

TECHNOLOGY

ایپل کے فولڈ ایبل آئی فون ڈیو کی فروخت جمعے سے شروع، اسٹورز پر محدود تعداد میں دستیاب ہوگا

امریکی ٹیکنالوجی کمپنی ایپل نے اعلان کیا ہے کہ اس کا پہلا فولڈ ایبل اسمارٹ

Read More

مصنوعی ذہانت کی کمپنی کو انسانی مصنف کی تلاش، سالانہ تنخواہ 3 کروڑ 25 لاکھ روپے تک

مصنوعی ذہانت کے معروف نظام کلاڈ (Claude) کی خالق کمپنی انتھروپک نے اعلیٰ تنخواہ پر

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.