زمین پر اوزون کی زہریلی مقدار سے 40 فیصد دُنیا متاثر، کوپرنیکس کی رپورٹ نے ماہرین کو ہلا کر رکھ دیا

عالمی ادارہ صحت (ڈبلیو ایچ او) کے تجویز کردہ حفاظتی معیار سے تجاوز کے باعث 2026 میں دنیا کی تقریباً 40 فیصد آبادی زمین کی سطح پر موجود زہریلی اوزون کی آلودگی سے شدید متاثر ہوئی ہے۔

کوپرنیکس ایٹماسفیئر مانیٹرنگ سروس کی تازہ ترین رپورٹ کے مطابق شمالی نصف کرہ کے بیشتر حصوں میں شدید گرمی کی طویل لہروں اور انسانی سرگرمیوں سے پیدا ہونے والی فضائی آلودگی نے مل کر کرہِ ارض پر اوزون کی زہریلی مقدار میں ریکارڈ اضافہ کیا ہے۔

صحت اور زراعت پر منفی اثرات

رپورٹ میں نشاندہی کی گئی ہے کہ سطحِ زمین پر موجود اوزون سورج کی بالائے بنفشی شعاعوں کے کیمیائی ردِعمل کے نتیجے میں بھورے رنگ کی زہریلی دھند کی شکل اختیار کر لیتی ہے۔

یہ آلودگی نہ صرف انسانی صحت کے لیے انتہائی مہلک ہے بلکہ یہ قدرتی ماحولیاتی نظام اور زرعی پیداوار کو بھی سنگین نقصان پہنچاتی ہے۔

گزشتہ 5 سال کا نیا ریکارڈ اور امریکی صورتحال

تحقیق کے مطابق 2026 میں اس زہریلی ہوا کا شکار ہونے والی آبادی کی تعداد گزشتہ 5 سال کے مقابلے میں سب سے زیادہ رہی ہے۔ صرف امریکا میں ہی 10 میں سے 4 سے زیادہ افراد ایسے علاقوں میں مقیم ہیں جہاں کی ہوا شدید فضائی آلودگی کی زد میں ہے۔

رپورٹ کے مطابق جنگلات کی آگ سے نکلنے والا دھواں اور آلودہ ذرات ہزاروں میل کا سفر طے کر کے دور دراز علاقوں تک پھیل جاتے ہیں۔

اگرچہ عالمی سطح پر حیاتیاتی مواد کے جلنے سے پیدا ہونے والی آلودگی میں گزشتہ کئی دہائیوں کے دوران کمی آئی ہے، تاہم گنجان آباد علاقوں کے قریب جنگلاتی آگ کے حالیہ واقعات نے بڑی آبادی کو اس دھوئیں کے خطرے میں دھکیل دیا ہے۔

زمین کی فضا کی بالائی سطح پر موجود اوزون کی قدرتی تہہ سورج کی مضر صحت شعاعوں کو زمین تک پہنچنے سے روکتی ہے، لیکن اس کے برعکس زمین کے قریب یعنی سطح پر بننے والی اوزون گیس ایک زہریلا کیمیائی مادپ ہے جو گاڑیوں کے دھوئیں، صنعتی اخراج اور شدید حرارت کے ملاپ سے بنتی ہے۔

موسمیاتی تبدیلیوں اور عالمی درجہ حرارت میں مسلسل اضافے کے باعث یہ زہریلی دھند اب ایک عالمی ماحولیاتی بحران کی شکل اختیار کر چکی ہے۔

Share On Social Media

KARACHI

ایم کیو ایم پاکستان نے کارکنان کو بلدیاتی انتخابات کی تیاری تیز کرنے کی ہدایت جاری کر دی

خالد مقبول صدیقی کی زیر صدارت متحدہ قومی موومنٹ پاکستان کی مرکزی کمیٹی کا اہم

Read More

یہ کیسا انصاف ہے؟ 170 سیٹیں لینے والا جیل میں اور 80 والا حکومت میں ہے، خالد مقبول صدیقی

متحدہ قومی موومنٹ (ایم کیو ایم) پاکستان کے سربراہ اور وفاقی وزیرتعلیم ڈاکٹر خالد محمود

Read More

TECHNOLOGY

واٹس ایپ کا نیا فیچر: کالز میں نوائس کینسلیشن متعارف کرانے کی تیاری

میسجنگ ایپ واٹس ایپ اپنے صارفین کے لیے ایک نیا اور مفید فیچر متعارف کرانے

Read More

آن لائن پرائیویسی کی حفاظت: والدین کو بچوں کو ‘انجانے خطرے’ کی طرح محتاط رہنے کی ہدایت

 برطانیہ کے انفارمیشن کمشنر آفس (آئی سی او) نے والدین پر زور دیا ہے کہ

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.