امریکا اور ایران ایک بار پھر مذاکرات کی میز پر بیٹھ رہے ہیں۔ آج سے بات چیت کا نیا مرحلہ شروع ہوگا۔
امریکی صدر ڈونلڈ ٹرمپ کا کہنا ہے کہ کہا مذاکرات میں آبنائے ہرمز اور جوہری پروگرام پر معاہدہ ہوگا ۔ ساتھ ہی صدر ٹرمپ نے خبردار بھی کردیا کہ ضرورت پڑی تو امریکا کارروائی کیلئے تیار ہے۔
امریکی صدر نے ایران پر حملے کی منسوخی فوری معاہدے سے مشروط کردی ۔ کہا ایران اور علاقائی ملکوں نے حملے مؤخر کرنے کی درخواست کی ۔ بولے دنیا کے مستقبل اور ایران کی بقا کیلئے حملہ مؤخر کیا۔
یاد رہے کہ گزشتہ روز سعودی ولی عہد شہزادہ محمد بن سلمان نے امریکی صدر ڈونلڈ ٹرمپ سے رابطہ کرکے ایران پر بڑے حملے کے منصوبے پر تشویش کا اظہار کیا ہے۔
سعودی ولی عہد شہزادہ محمد بن سلمان نے امریکی صدر ڈونلڈ ٹرمپ سےرابطہ کرکے ایران کے خلاف ممکنہ بڑے پیمانے پر فوجی کارروائی کے منصوبے پر گہری تشویش کا اظہار کیا ہے۔
رپورٹس میں دو امریکی حکام اور ایک باخبر ذریعے کے حوالے سے بتایاگیا ہے کہ محمد بن سلمان نے گفتگو کے دوران ایران سے متعلق پیدا ہونے والی صورتحال پر وضاحت طلب کی اور خطے میں بڑھتی ہوئی کشیدگی کم کرنےکی ضرورت پر زور دیا۔
امریکی میڈیا کےمطابق صدر ٹرمپ ایران کے توانائی کےبنیادی ڈھانچے اور دیگر اہم اہداف پر حملوں کے مختلف آپشنز پر غورکر رہے ہیں، تاہم اس حوالے سے تاحال کوئی حتمی فیصلہ سامنے نہیں آیا۔
