پاکستان اور بلغاریہ کا مختلف شعبوں میں تعاون کو مزید فروغ دینے پر اتفاق

پاکستان اور بلغاریہ کے درمیان دوطرفہ سیاسی مشاورت کا چھٹا دور اسلام آباد میں منعقد ہوا، جس میں دونوں ممالک نے باہمی تعلقات کا جامع جائزہ لیتے ہوئے مختلف شعبوں میں تعاون کو مزید فروغ دینے پر اتفاق کیا۔

ترجمان دفتر خارجہ کے مطابق پاکستانی وفد کی قیادت ایڈیشنل سیکریٹری (یورپ) عائشہ علی نے کی، جبکہ بلغاریہ کے وفد کی سربراہی بلغاریہ کی وزارت خارجہ میں دوطرفہ تعلقات کے ڈائریکٹر جنرل سفیر پیٹکو دوئیکوف نے کی۔

مذاکرات کے دوران دونوں ممالک کے درمیان سیاسی روابط، تجارت، سرمایہ کاری، دفاع، پارلیمانی روابط، ثقافتی و تعلیمی تعاون، انفارمیشن اینڈ کمیونیکیشن ٹیکنالوجی (آئی سی ٹی) اور عوامی سطح پر روابط کو مزید وسعت دینے کے امکانات پر تفصیلی تبادلہ خیال کیا گیا۔

اس کے علاوہ علاقائی اور عالمی صورتحال سمیت مختلف کثیرالجہتی فورمز پر تعاون سے متعلق امور بھی زیر بحث آئے۔

دونوں فریقوں نے اس بات پر اتفاق کیا کہ دوطرفہ سیاسی مشاورت کا آئندہ، ساتواں دور بلغاریہ کے دارالحکومت صوفیہ میں باہمی مشاورت سے طے کی جانے والی تاریخوں پر منعقد کیا جائے گا۔

دورے کے موقع پر بلغاریہ کے وفد کے سربراہ سفیر پیٹکو دوئیکوف نے پاکستان کی سیکریٹری خارجہ آمنہ بلوچ سے بھی ملاقات کی۔

ملاقات میں سیکریٹری خارجہ نے خطے میں حالیہ پیشرفت سے متعلق پاکستان کا مؤقف پیش کیا، جس میں امریکا اور ایران کے درمیان کشیدگی کے دوران پاکستان کے ثالثی کردار پر بھی روشنی ڈالی گئی۔

Share On Social Media

KARACHI

چاہتا ہوں شہباز شریف 5 سال مکمل کرنے والے پہلے پاکستانی وزیرِ اعظم بنیں، بلاول بھٹو زرداری

پاکستان پیپلزپارٹی (پی پی پی) کے چیئرمین بلاول بھٹو زرداری نے کہا ہے کہ وہ

Read More

خالد مقبول صدیقی کا نئے انتظامی یونٹس اور نئے صوبوں کے قیام کا مطالبہ

چیئرمین ایم کیو ایم خالد مقبول صدیقی نے کہا کہ نئے انتظامی یونٹس اور آبادی

Read More

TECHNOLOGY

اسٹار لنک کے مقابلے میں مکیش امبانی کا بڑا منصوبہ، ریلائنس 1,600 سیٹلائٹس پر مشتمل براڈبینڈ نیٹ ورک قائم کرے گی

بھارت کے ارب پتی کاروباری شخصیت مکیش امبانی کی کمپنی ریلائنس انڈسٹریز ایلون مسک کے

Read More

پہلا پاکستانی خلا باز 25 نومبر کو خلا میں روانہ ہوگا

خلائی تاریخ میں پاکستان ایک نئی منزل کی جانب گامزن، پہلا پاکستانی خلا باز 25

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.