یومِ ترویہ پر منیٰ میں عازمینِ حج کی آمد، جدید انتظامات نے دنیا کو حیران کردیا

یومِ ترویہ یعنی 8 ذوالحج کے آغاز اور عازمینِ حج کے پہلے قافلوں کی آمد کے ساتھ ہی منیٰ ایک بار پھر دنیا میں موسمی انتظامات کی شاندار ترین مثال بن کر سامنے آگیا ہے۔

مکہ مکرمہ کے قلب میں واقع یہ وادی چند ہی دنوں میں ایک مکمل اور جدید شہر کی شکل اختیار کرلیتی ہے، جہاں لاکھوں حجاج کرام نہایت منظم انداز میں عبادات کی ادائیگی کے لیے جمع ہوتے ہیں۔

منیٰ کو ایک جدید موسمی اسمارٹ سٹی کی حیثیت حاصل ہے، جہاں صرف سفید خیموں کا وسیع جال ہی نہیں بلکہ پسِ منظر میں ایک انتہائی مربوط اور مؤثر نظام بھی فعال ہوتا ہے۔

اس نظام میں بجلی اور کولنگ کے جدید نیٹ ورکس، ہجوم کو منظم رکھنے کے طریقۂ کار، پیدل چلنے والوں کے لیے مخصوص راستوں کی منصوبہ بندی اور لوگوں کی نقل و حرکت کی لمحہ بہ لمحہ نگرانی شامل ہے۔

اس کے ساتھ سیکیورٹی، صحت اور خوراک کی فراہمی جیسی سہولیات بھی مربوط انداز میں کام کرتی ہیں، جس سے مشاعرِ مقدسہ دنیا میں بڑے اجتماعات کے انتظام کا ایک منفرد نمونہ بن جاتے ہیں۔

منیٰ میں جدید طرز کے خیموں کا مجموعی رقبہ تقریباً 25 لاکھ مربع میٹر پر مشتمل ہے، جو اعلیٰ ترین حفاظتی معیارات کے مطابق تیار کیے گئے ہیں، ان خیموں میں 26 لاکھ سے زائد عازمینِ حج کو ٹھہرانے کی گنجائش موجود ہے۔

ہر سال حج سیزن کے ساتھ منیٰ صرف ایک قیام گاہ نہیں رہتا بلکہ حجاج کے تجربے کو مزید بہتر بنانے کے لیے ایک مسلسل ترقی پذیر منصوبے کی صورت اختیار کرلیتا ہے۔

رواں برس بھی ‘انسان دوست شہری ترقی’ کے تصور کے تحت کئی بڑے منصوبے مکمل کیے گئے، جن میں سایہ دار مقامات اور آرام گاہوں میں اضافہ، شہری ماحول کی بہتری اور پیدل چلنے والوں کے لیے کشادہ اور آسان راستوں کی تعمیر شامل ہے۔

منیٰ کی سب سے منفرد بات اس کی مخصوص رفتارِ زندگی ہے، یہ شہر چند دنوں کے لیے دنیا کی سب سے گنجان آبادیوں میں تبدیل ہوجاتا ہے، حج کے اختتام پر دوبارہ خاموشی میں ڈوب جاتا ہے اور پھر اگلے حج سیزن کی تیاریوں کا آغاز کردیا جاتا ہے۔

شام ڈھلتے ہی روشن راستوں پر لاکھوں حجاج اپنے خیموں اور جمرات کے درمیان پرامن انداز میں سفر کرتے دکھائی دیتے ہیں، جو ایمان اور انسانیت کا ایک عظیم منظر پیش کرتا ہے۔

یہ روح پرور ماحول سعودی عرب کے اس عزم کی عکاسی کرتا ہے کہ جدید ٹیکنالوجی اور وسیع وسائل کو بروئے کار لاکر حجاج کرام کو بہترین سہولیات فراہم کی جائیں۔

طویل المدتی منصوبہ بندی کے تحت سعودی حکام مسلسل مشاعر مقدسہ کو ترقی دے رہے ہیں تاکہ انتظامی کارکردگی بہتر ہو، شدید گرمی کے اثرات کم کیے جاسکیں اور حجاج کے مجموعی تجربے کو مزید آرام دہ بنایا جاسکے۔

Share On Social Media

KARACHI

چاہتا ہوں شہباز شریف 5 سال مکمل کرنے والے پہلے پاکستانی وزیرِ اعظم بنیں، بلاول بھٹو زرداری

پاکستان پیپلزپارٹی (پی پی پی) کے چیئرمین بلاول بھٹو زرداری نے کہا ہے کہ وہ

Read More

خالد مقبول صدیقی کا نئے انتظامی یونٹس اور نئے صوبوں کے قیام کا مطالبہ

چیئرمین ایم کیو ایم خالد مقبول صدیقی نے کہا کہ نئے انتظامی یونٹس اور آبادی

Read More

TECHNOLOGY

اسٹار لنک کے مقابلے میں مکیش امبانی کا بڑا منصوبہ، ریلائنس 1,600 سیٹلائٹس پر مشتمل براڈبینڈ نیٹ ورک قائم کرے گی

بھارت کے ارب پتی کاروباری شخصیت مکیش امبانی کی کمپنی ریلائنس انڈسٹریز ایلون مسک کے

Read More

پہلا پاکستانی خلا باز 25 نومبر کو خلا میں روانہ ہوگا

خلائی تاریخ میں پاکستان ایک نئی منزل کی جانب گامزن، پہلا پاکستانی خلا باز 25

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.