امریکا  کا گرین کارڈ پالیسی میں بڑی تبدیلی کا اعلان

امریکی شہریت و امیگریشن سروسز نے مستقل رہائش یعنی گرین کارڈ کے حصول سے متعلق ایک بڑی پالیسی تبدیلی کا اعلان کیا ہے، جس کے تحت امریکا میں موجود بیشتر غیرملکیوں کو درخواست کے لیے ملک چھوڑ کر بیرونِ ملک امریکی قونصل خانوں سے رجوع کرنا ہوگا۔ ناقدین نے خبردار کیا ہے کہ اس فیصلے سے خاندانوں کی طویل علیحدگی اور ویزا تاخیر کے مسائل پیدا ہو سکتے ہیں۔

امریکی شہریت و امیگریشن سروسز (یو ایس سی آئی ایس) نے جمعے کے روز ایک اہم پالیسی تبدیلی کا اعلان کیا ہے، جس کے تحت امریکا میں موجود بیشتر غیرملکی اب مستقل رہائش (گرین کارڈ) کے لیے ملک کے اندر درخواست نہیں دے سکیں گے بلکہ انہیں بیرونِ ملک جا کر امیگرنٹ ویزا حاصل کرنا ہوگا۔

پالیسی میمورنڈم کے مطابق امریکا میں عارضی ویزوں پر موجود افراد، جن میں طلبہ، سیاح اور عارضی کارکن شامل ہیں، اب عمومی طور پر گرین کارڈ کے لیے’قونصلر پراسیسنگ‘کے ذریعے درخواست دینے کے پابند ہوں گے، جس کی نگرانی امریکی محکمہ خارجہ کرے گا۔

یہ اقدام ڈونلڈ ٹرمپ کی اس وسیع تر پالیسی کا حصہ قرار دیا جا رہا ہے جس کا مقصد قانونی اور غیرقانونی دونوں طرح کی امیگریشن کو مزید سخت بنانا ہے۔

یو ایس سی آئی ایس کے مطابق امریکا کے اندر رہتے ہوئے’ایڈجسٹمنٹ آف اسٹیٹس‘ کی سہولت اب صرف ’غیرمعمولی حالات‘ میں اور ہر کیس کی انفرادی بنیاد پر دی جائے گی۔

ادارے کے ترجمان زیک کاہلر نے میمو کے ساتھ جاری بیان میں کہا، ’ہم قانون کے اصل مقصد کی طرف واپس جا رہے ہیں تاکہ یہ یقینی بنایا جا سکے کہ غیرملکی امریکی امیگریشن نظام کو درست طریقے سے استعمال کریں۔‘

میمورنڈم میں امیگریشن افسران کو ہدایت دی گئی ہے کہ وہ یہ جائزہ لیں کہ آیا درخواست گزار کا طرزِ عمل اس ویزا یا پیرول کی شرائط سے ’متصادم‘ تو نہیں جس کے تحت وہ امریکا میں داخل ہوا تھا۔

دوسری جانب ناقدین نے خبردار کیا ہے کہ اس پالیسی کے باعث خاندان طویل عرصے تک جدا رہ سکتے ہیں کیونکہ بیرونِ ملک بھیجے جانے والے درخواست گزاروں کو امریکی قونصل خانوں میں ویزا کے طویل انتظار اور بیک لاگ کا سامنا کرنا پڑ سکتا ہے۔

میڈیا رپورٹس اور امیگریشن حقوق کے کارکنوں کے مطابق اس نئی پالیسی سے امریکی شہریوں سے شادی کرنے والے افراد اور ایسے درخواست گزار بھی متاثر ہو سکتے ہیں جن کے بچے امریکا میں پیدا ہوئے ہیں۔

Share On Social Media

KARACHI

کراچی، کون سی شاہراہ بند ہے، اور کون سی سڑک ٹریفک کے لیے کھلی ہے؟ ٹریفک پولیس نے بتا دیا

ٹریفک پولیس نے شہر کی مختلف شاہراہوں پر ٹریفک کی تازہ صورتحال سے آگاہ کرتے

Read More

تین روزہ 18 ویں “سرتیوں سنگ” دستکاری نمائش کراچی میں کامیابی سے اختتام پذیر

سندھ کے 15 اضلاع کی دیہی خواتین کے ہاتھوں کی بنائی ہوئی سندھی دستکاریوں کی

Read More

TECHNOLOGY

گوگل میسجز کا نیا فیچر، لائیو لوکیشن کے ساتھ ٹریفک جام دیکھنا بھی ممکن

گوگل میسجز میں لائیو لوکیشن شیئر کرنے کے فیچر میں اہم تبدیلی متوقع ہے، جس

Read More

لائکس اور فالوورز کی دوڑ: ڈیجیٹل موازنہ کیسے انسانوں کا ذہنی سکون چھین رہا ہے؟

ماہرینِ ابلاغیات اور ذہنی صحت کا کہنا ہے کہ سوشل میڈیا روزمرہ کی زندگی کو

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.