فلوٹیلا کے کارکنان پر اسرائیلی فوج کے تشدد کی ویڈیو، یورپین ممالک اور کینیڈا کا سخت ردِ عمل

غزہ کے لیے امداد لے جانے والے ’صمود فلوٹیلا‘ کے کارکنوں کی اسرائیلی حکام کے ہاتھوں حراست اور مبینہ ناروا سلوک سے متعلق ویڈیو سامنے آنے کے بعد معاملہ سنگین صورت اختیار کر گیا ہے۔ اٹلی، ترکیہ، کینیڈا، نیدرلینڈز، جرمنی، سپین اور بیلجیئم سیمت دیگر ممالک نے واقعے کو انسانی وقار کے منافی قرار دیتے ہوئے فوری رہائی اور باضابطہ وضاحت کا مطالبہ کیا ہے۔

صمود فلوٹیلا سے وابستہ کارکنان کی اسرائیلی فورسز کے ہاتھوں حراست اور ناروا سلوک کی ویڈیو سامنے آنے کے بعد صورتِ حال مزید حساس ہو گئی جب اسرائیل کے وزیر برائے قومی سلامتی ایتامار بن گویر نے یہ ویڈیو سوشل میڈیا پر شیئر کرتے ہوئے عبرانی زبان میں کیپشن لکھا کہ ’ہم دہشت گردی کے حامیوں کے ساتھ اسی طرح پیش آتے ہیں۔‘

ویڈیو کے حوالے سے دعویٰ کیا گیا ہے کہ اس میں وہ افراد دکھائے گئے ہیں جنہیں اسرائیلی فورسز نے غزہ کی جانب جانے والے امدادی مشن کے دوران حراست میں لیا تھا۔

اس واقعے پر اسرائیلی وزیر خارجہ گیدعون سار نے سخت ردعمل دیتے ہوئے کہا کہ اس طرزِ عمل نے ریاست کو نقصان پہنچایا ہے اور مختلف اداروں کی پیشہ ورانہ کوششوں کو متاثر کیا ہے۔

انہوں نے سوشل میڈیا پلیٹ فارم ’ایکس‘ پر ایتامار بن گویر کی ویڈیو ری ٹوئٹ کرتے ہوئے لکھا کہ فوج (آئی ڈی ایف)، وزارت خارجہ اور دیگر اداروں کی وسیع کوششیں اس شرمناک کارکردگی کی نذر ہو گئیں۔

گیدعون سار نے اپنے بیان میں بن گویر کو مخاطب کرتے ہوئے کہا کہ ’نہیں، تم اسرائیل کا چہرہ نہیں ہو۔‘ ویڈیو ظاہر ہونے اور اس پر ہونے والے سیاسی ردعمل کے بعد اسرائیلی حکومت کے اندر مختلف بیانیوں نے اس معاملے کو مزید متنازع بنا دیا ہے۔

ویڈیو منظرِعام پر آنے کے بعد اسرائیلی وزیراعظم آفس نے بیان جاری کیا جس میں بنیامین نیتن یاہو نے کہا کہ انہوں نے غزہ فلوٹیلا کے کارکنان کو ملک بدر کرنے کی ہدایت جاری کر دی ہے۔

Share On Social Media

KARACHI

شیڈول ردی کی نذر: گیس بحران ، شہری ذہنی اذیت میں مبتلا

موسم سرما کی آمد سے قبل ہی شہر قائد میں گیس کا بحران شدت اختیار

Read More

دعوت کے بہانے موت کا جال، ٹیکسی ڈرائیور نے بیوی سمیت 7 رشتے داروں کو قتل کر دیا

بھارتی شہر بنگلورو میں قتل کی ایک انتہائی لرزہ خیز واردات سامنے آئی ہے جہاں

Read More

TECHNOLOGY

پریمیئم کے بغیر یوٹیوب پر اشتہارات سے چھٹکارا حاصل کرنے کے آسان طریقے

یوٹیوب پر ویڈیوز دیکھتے ہوئے بار بار آنے والے اشتہارات صارفین کے لیے پریشانی کا

Read More

کیا انسٹاگرام آپ کی اصل عمر کا راز کھول دے گا؟ اے آئی کم عمر صارفین کو کیسے پکڑے گی؟

میٹا نے دنیا بھر میں اے آئی ٹیکنالوجی کے ذریعے عمر کی شناخت کا نظام

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.