اے آئی پر بڑھتا انحصار انسانی ذہانت کے لیے خطرہ بننے لگا، برطانوی سائنسی ادارہ

برطانوی ماہرین نے خبردار کیا ہے کہ مصنوعی ذہانت یا اے آئی پر بڑھتا ہوا انحصار انسانی ذہانت اور سوچنے کی صلاحیت کو متاثر کر رہا ہے۔

سائنسی ادارے رائل آبزرویٹری گرین وچ کے مطابق فوری جوابات حاصل کرنے کی عادت انسانوں میں تجسس، تحقیق اور گہرے غور و فکر کی صلاحیت کو کمزور بنا سکتی ہے۔

برطانیہ کے قدیم ترین سائنسی اداروں میں شمار ہونے والے رائل آبزرویٹری گرین وچ کا کہنا ہے کہ پیچیدہ مسائل کے حل اور مشکل سوالات کے فوری جواب کے لیے اے آئی ٹولز پر حد سے زیادہ انحصار انسانوں کو کم ذہین بنا سکتا ہے۔

ادارے کے ڈائریکٹر پیڈی راجرز نے کہا کہ اگر لوگ صرف فوری جوابات پر انحصار کریں گے تو سوال اٹھانے، تحقیق کرنے اور معلومات کو جانچنے کی وہ عادت ختم ہو سکتی ہے جو علم، مہارت اور ایجادات کی بنیاد سمجھی جاتی ہے۔

انہوں نے بی بی سی سے گفتگو کرتے ہوئے بتایا کہ رائل آبزرویٹری کا فرسٹ لائٹ منصوبہ 350 سالہ فلکیاتی تحقیق اور شوق کو جدید سائنسی دریافتوں سے جوڑنے کے لیے شروع کیا گیا ہے۔

پیڈی راجرز کے مطابق ٹیکنالوجی نے سائنس میں بے شمار اہم کامیابیاں ممکن بنائی ہیں تاہم انسانی تجسس کا کوئی متبادل نہیں۔

ان کا کہنا تھا کہ یہی تجسس انسان کو نئے سوالات دریافت کرنے اور منفرد حل تلاش کرنے پر آمادہ کرتا ہے۔

ماہرین کا ماننا ہے کہ اگرچہ اے آئی ٹولز پر ضرورت سے زیادہ انحصار انسانی ذہانت کو متاثر کر سکتا ہے لیکن دوسری جانب مصنوعی ذہانت سائنسی رازوں سے پردہ اٹھانے اور تحقیق میں مدد فراہم کرنے میں بھی اہم کردار ادا کر رہی ہے۔

Share On Social Media

KARACHI

امیرِ جماعتِ اسلامی کا وزیرِاعظم سے ملاقات کے بعد نومبر میں لانگ مارچ کا اعلان

جماعت اسلامی نے پیٹرولیم لیوی کے خاتمے کا مطالبہ پورا نہ ہونے کی صورت میں

Read More

محسن نقوی کا سائبر کرائم کے خلاف بڑا اقدام، این سی سی آئی اے کے افسران کو چین میں کیا تربیت دی جائے گی؟

ایڈیشنل ڈائریکٹر نیشنل سائبر کرائم انویسٹی گیشن ایجنسی (این سی سی آئی اے) اسلام آباد

Read More

TECHNOLOGY

سپریم کورٹ مکمل اے آئی سے بنی ہو تو کیا ہوگا؟ قانون کے اسکول میں دلچسپ تجربہ

امریکی ریاست نارتھ کیرولائنا کی ایک لاء یونیورسٹی نے مصنوعی ذہانت (اے آئی) کی صلاحیتوں

Read More

فالج کی علامات ظاہر ہوں تو پہلے چند منٹ میں کیا کریں؟

فالج یا اسٹروک ایک ایسی خطرناک طبی حالت ہے جس میں ہر گزرتا منٹ اہم

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.