عیدِ قرباں کی خریدو فروخت کے لیے ایک ماہ کے لیے بسائے گئے اس عارضی اور جدید شہر کی رنگینیاں، سیکیورٹی اور چکا چوند دیکھ کر ترجمان سندھ حکومت بھی دنگ رہ گئیں، جہاں انہوں نے منڈی کے مختلف بلاکس کا دورہ کر کے شہریوں اور بیوپاریوں کو فراہم کی جانے والی سفری، طبی اور دیگر سہولیات کا تفصیسی جائزہ لیا۔ اس موقع پر سعدیہ جاوید کا کہنا تھا کہ منڈی میں شہریوں کے لیے کیے گئے شاندار انتظامات دیکھ کر دلی خوشی ہوئی ہے۔ اپنے دورے کے دوران ترجمان سندھ حکومت نے منڈی کے جدید میڈیا سیل کا بھی خصوصی دورہ کیا اور وہاں موجود صحافیوں اور انتظامیہ کی کاوشوں کو سراہا۔ جانوروں کے علاوہ منڈی کے لذیذ کھانوں میں دلچسپی لیتے ہوئے سعدیہ جاوید وہاں قائم مشہورِ زمانہ بٹ کڑاہی، جاوید نہاری، متین فوڈ اور بلال بروسٹ جیسے فوڈ اسٹالز کا بھی معائنو کیا اور منڈی کے روایتی ماحول کی تعریف کیےبغیر نہ رہ سکیں
