ٹرمپ کو معاہدے کی امید، ایران نے امریکا کو جواب دینے کے لیے مشقیں شروع کردیں

امریکا کے صدر ڈونلڈ ٹرمپ نے کہا ہے کہ ایک امریکی بحری بیڑہ ایران کی جانب بڑھ رہا ہے اور انہیں امید ہے کہ ایران امریکا کے ساتھ کسی معاہدے پر آمادہ ہو جائے گا۔ ٹرمپ کے بیان کے برعکس ایران نے بھی آبنائے ہرمز میں فوجی مشقوں کا اعلان کر دیا ہے۔

ڈونلڈ ٹرمپ نے اپنی انتخابی مہم کی تقریب سے خطاب میں کہا کہ جون میں ایران کی جوہری صلاحیت کو ختم کیا گیا اور ایران میں کی گئی فوجی کارروائی کے دوران کوئی شہری ہلاک نہیں ہوا۔

ان کے مطابق امریکا کی کارروائیاں مخصوص اہداف تک محدود رہیں اور ان کا مقصد صرف سکیورٹی خدشات کا ازالہ تھا۔

دوسری جانب امریکا کی جانب سے جنگی مشقوں اور بحری بیڑے کی مشرقی وسطیٰ میں آمد کے بعد ایران نے بھی آبنائے ہرمز میں فوجی مشقوں کا اعلان کر دیا ہے۔

میڈیا رپورٹس کے مطابق ایرانی حکام نے ان مشقوں کے پیش نظر فضائی حدود کے لیے نوٹم جاری کیا ہے۔

اس نوٹم میں کہا گیا ہے کہ آبنائے ہرمز اور اس کے اطراف آج سے کل تک پچیس ہزار فٹ سے کم بلندی پر پروازیں نہ کی جائیں۔

ایرانی حکام کے مطابق یہ فوجی مشقیں نو کلو میٹر کے دائرے میں ہوں گی اور ان کا مقصد دفاعی تیاریوں کا جائزہ لینا ہے۔

دوسری جانب ایران کی پاسدران انقلاب نے سخت موقف اختیار کرتے ہوئے کہا ہے کہ اگر امریکی جہاز ایرانی سمندری حدود میں داخل ہوئے تو ان پر حملہ کیا جائے گا۔

پاسدران انقلاب کے بیان میں کہا گیا ہے کہ امریکی صدر بیانات زیادہ دیتے ہیں، تاہم جنگ یا امن کا فیصلہ بیانات سے نہیں بلکہ میدان میں حالات طے کریں گے۔

Share On Social Media

KARACHI

اپوزیشن دہشت گردی کے خلاف وفاق کا ساتھ دے تو ایمرجنسی ختم ہوسکتی ہے: بلاول بھٹو

پاکستان پیپلز پارٹی کے چیئرمین بلاول بھٹو زرداری نے کہا ہے کہ خیبرپختونخوا کے وزیراعلیٰ

Read More

کراچی: سعودی عرب سے لوٹنے والا نوجوان اغوا کے بعد قتل، کزن گرفتار

کراچی کے علاقے اسٹیل ٹاؤن میں تین روز قبل مبینہ طور پر اغوا ہونے والے

Read More

TECHNOLOGY

ہمارا اے آئی حیاتیاتی ہتھیار بنانے سے لے کر انسانوں کو بلیک میل تک کر سکتا ہے: اینتھروپک

آرٹیفیشل انٹیلی جنس پر مبنی چیٹ بوٹ ’کلاڈ‘ تیار کرنے والے امریکی ادارے ’اینتھروپک‘ کی

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.