’اپنے بچوں کو سختی سے اس گیم سے دور رکھیں‘، جی ٹی اے 6 میں تشدد، جرائم اور جنسی مناظر پر بعض صارفین کی تنقید

گرینڈ تھیفٹ آٹو (جی ٹی اے) 6 کی ریلیز کے بعد جہاں دنیا بھر کے گیمرز نے اس گیم کو خوب پسند کیا ہے، وہیں بعض صارفین کی جانب سے اس پر تنقید کا سلسلہ بھی جاری ہے۔ ناقدین نے گیم میں تشدد، جرائم اور فحش و جنسی مناظر کی عکاسی پر تحفظات کا اظہار کرتے ہوئے خدشہ ظاہر کیا ہے کہ اس طرح کا مواد بچوں اور نوعمر افراد پر منفی اثرات مرتب کر سکتا ہے۔

بھارتی یوٹیوبر اور ایکٹوسٹ دھروو راٹھی نے ایک صارف کی ’ایکس‘ پوسٹ شیئر کرتے ہوئے لکھا کہ والدین اپنے بچوں کو جی ٹی اے 6 گیم سے سختی سے دور رکھیں۔

ان کے بقول اس گیم میں تشدد اور سفاکیت کی جس حد تک عکاسی کی گئی ہے، اسے مذاق نہیں سمجھنا چاہیے۔ یہ ہمارے معاشرے میں نفسیاتی مسائل کا شکار مزید افراد پیدا کرنے، بے رحمانہ تشدد کو معمول کا حصہ بنانے اور خواتین کو محض ایک شے کے طور پر پیش کرنے کے رجحان کو فروغ دے سکتی ہے۔

دھروو راٹھی نے جس ایکس پوسٹ کو شیئر کیا، وہ جوز نامی ایک صارف نے کی تھی۔ جوز نے جی ٹی اے 6 کی ایک ویڈیو شیئر کی ہے جس میں ایک شخص پہلے ایک خاتون پر حملہ کرتا ہے، اسے تھپڑ مارتا ہے اور پھر پستول نکال کر اس کے چہرے پر گولی چلا دیتا ہے، جس سے وہ ہلاک ہو جاتی ہے۔

جوز نے اپنی پوسٹ میں لکھا کہ ویڈیو گیمز میں بعض چیزیں ایسی ہوتی ہیں جن سے وہ اتفاق نہیں کرتے اور جی ٹی اے کا یہ منظر بھی انہی میں سے ایک ہے۔

واضح رہے کہ ایکس پر ان مناظر کے ساتھ کمیونٹی نوٹس کے تحت ایک وضاحت بھی شامل کی گئی ہے۔ اس وضاحت کے مطابق جی ٹی اے ایک اوپن ورلڈ گیم ہے جہاں کھلاڑیوں کو اپنی مرضی سے فیصلے کرنے اور سرگرمیوں کا انتخاب کرنے کی آزادی حاصل ہوتی ہے، لیکن اس کا مطلب یہ نہیں کہ گیم انہیں ایسا کرنے کی ترغیب دیتی ہے۔

کمیونٹی نوٹس میں مزید کہا گیا ہے کہ گیم کھلاڑیوں کے اقدامات کے مطابق ردِعمل ظاہر کرتی ہے۔ اگر کوئی کھلاڑی پُرتشدد رویہ اختیار کرتا ہے تو اسے اس کے نتائج بھگتنا پڑتے ہیں، پولیس اس کے پیچھے لگ جاتی ہے اور اس کی ساکھ بھی متاثر ہوتی ہے۔ گیم کی دنیا میں جرائم پر ردِعمل دیا جاتا ہے اور کھلاڑی کے رویے کے مطابق حالات بدلتے رہتے ہیں۔ یعنی گیم میں ہر عمل کا اپنا نتیجہ ہوتا ہے۔

جی ٹی اے 6 پر ردِعمل دیتے ہوئے تاج الدین نامی ایک صارف نے لکھا کہ یہ گیم شاید نئی فحش ویب سائٹ بننے جا رہی ہے۔ ان کے بقول معروف اسٹریمر کائی سینیٹ نے گیم میں جیسن اور لوسیا کے درمیان ایک نجی اور جنسی نوعیت کا منظر دیکھا تو وہ حیران رہ گئے اور اپنا ردِعمل قابو میں نہ رکھ سکے۔

ان کا کہنا تھا کہ اس گیم کو لازماً صرف 18 سال یا اس سے زائد عمر کے افراد کے لیے مخصوص ہونا چاہیے۔ انہوں نے سوال کیا کہ راک اسٹار گیمز کے اسٹوڈیو میں آخر کیا ہو رہا ہے؟

واضح رہے کہ راک اسٹار گیمز کی تیار کردہ جی ٹی اے 6 کو مختلف ممالک میں عمر کی بنیاد پر مختلف درجہ بندیوں کے تحت رکھا گیا ہے۔ گیمنگ اور دیگر فین ویب سائٹس کے مطابق مختلف ممالک میں اس گیم کے لیے عمر کی حد 17 سے 21 سال تک ہے۔

رپورٹس کے مطابق امریکا میں اس گیم کے لیے عمر کی حد 17 سال یعنی، برطانیہ، یورپ اور آسٹریلیا میں 18 سال، جنوبی کوریا میں 19 سال، جب کہ سعودی عرب اور متحدہ عرب امارات میں 21 سال مقرر ہے۔

تارہ بل نامی ایک اور صارف نے ایکس پر جی ٹی اے 6 کے مناظر شیئر کرتے ہوئے لکھا کہ گیم میں ’مینڈی‘ نامی کردار سوشل میڈیا پر وائرل ہو رہا ہے۔ گیم میں جیسن کی ملاقات مینڈی نامی خاتون سے ہوتی ہے جو اس سے اپنے گھر کا سنک ٹھیک کرواتی ہے۔ اس دوران وہ جیسن سے دل لگی کرتی ہے اور بکنی میں ملبوس ہو جاتی ہے۔ تاہم، کھلاڑیوں کو شبہ ہے کہ مینڈی ایک قاتل ہو سکتی ہے۔

Share On Social Media

KARACHI

بجٹ 27-2026: پراپرٹی کی خرید و فروخت پر ٹیکس کم کرنے کی تیاری

حکومت ملک میں ریئل اسٹیٹ اور تعمیراتی شعبے کو فروغ دینے اور روزگار کے نئے

Read More

مغربی ہواؤں کا نیا سلسلہ آج داخل ہوگا، مختلف شہروں میں آندھی اور ژالہ باری کی پیشگوئی

پنجاب بھر میں موسم کی صورتحال میں نمایاں تبدیلی کا امکان ہے، جہاں آج سے

Read More

TECHNOLOGY

واٹس ایپ پر آن لائن صارفین کی شناخت آسان، ’گرین ڈاٹ‘ فیچر کی آزمائش شروع

میٹا کی زیرِ ملکیت مقبول پیغام رسانی ایپ واٹس ایپ نے صارفین کے لیے آن

Read More

راستوں کی تلاش کے بعد گوگل میپس میں کھانا منگوانے کا فیچر متعارف کرائے جانے کی تیاریاں

گوگل میپس، جو اب تک دنیا بھر میں راستوں کی رہنمائی اور منزل تک رسائی

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.