چاہتا ہوں شہباز شریف 5 سال مکمل کرنے والے پہلے پاکستانی وزیرِ اعظم بنیں، بلاول بھٹو زرداری

پاکستان پیپلزپارٹی (پی پی پی) کے چیئرمین بلاول بھٹو زرداری نے کہا ہے کہ وہ چاہتے ہیں کہ شہباز شریف پاکستان کے پہلے وزیرِ اعظم بنیں جو اپنے 5 سال مکمل کریں۔

کراچی میں جمعے کو ایک تقریب سے خطاب کرتے ہوئے انہوں نے معاشی مسائل، بینظر ہاری کارڈ کے اجرا اور سیاسی معاملات پر گفتگو کی۔

بلاول بھٹو زرداری نے کہا کہ انہوں نے شہباز شریف کو دو مرتبہ وزیرِاعظم بنایا۔ ایک دفعہ کابینہ میں ان کے ساتھ کام کیا اور اس دفعہ جس انداز میں وہ ان کی حمایت کر رہے ہیں، وہ سب کے سامنے ہے۔

ان کے بقول وزیرِاعظم اس پر فخر کرتے ہیں کہ پاکستان کو دیوالیہ ہونے سے انہوں نے بچایا۔ شہباز شریف اس بات پر فخر کرتے ہیں کہ ان کی ٹیم نے پاکستان کی معیشت کے بنیادی اشاریوں کو مستحکم کر دیا۔

چیئرمین پیپلزپارٹی کا کہنا تھا کہ افسوس کے ساتھ جب خطے میں جنگ شروع ہوئی تو اس کے بعد معاشی مشکلات میں اضافہ ہوا۔ وزیرِاعظم اور ان کی ٹیم نے بہت محنت کی کہ امن قائم ہو تاکہ ان معاشی مشکلات کا خاتمہ ہو۔ یہ محنت ابھی تک جاری ہے لیکن افسوس کے ساتھ جہاں امن کی کوششیں جاری ہیں، وہاں وزیرِاعظم کو یہ موقع ہی نہیں دیا گیا کہ وہ معاشی مسائل پر توجہ دیں۔

ان کا کہنا تھا کہ وزیرِاعظم کو یہ موقع ہی نہیں دیا گیا کہ وہ اپنا ایجنڈا سیٹ کریں۔ تمام سیاسی جماعتوں کو بلا کر بتائیں کہ ان کا کیا پلان ہے کہ وہ پاکستانی عوام کو مہنگائی، بے روزگاری اور غربت سے کیسے بچا سکتے ہیں۔

بلاول بھٹو زرداری کا کہنا تھا کہ وزیرِاعظم جب بھی کوئی ایسا پلان بناتے ہیں تو ان کا کوئی نہ کوئی وزیر اٹھ کر اپنا ایجنڈا سنا دیتا ہے اور اصل موضوع سے توجہ ہٹا دیتا ہے۔

انہوں نے کہا کہ وہ چاہتے ہیں کہ وزیرِاعظم کے ہاتھ مضبوط کریں۔ عام پاکستانی سیاست دانوں کی روایت رہی ہے کہ وہ وزیرِاعظم کے کام میں مشکلات کیسے پیدا کریں، وزیرِاعظم کو کیسے ہٹائیں اور خود اس کرسی پر کیسے بیٹھ سکیں۔

انہوں نے کہا کہ وہ یہ سب نہیں کر رہے۔ وہ چاہتے ہیں اور ان کی دعا ہے کہ شہباز شریف پاکستان کے پہلے وزیرِاعظم بنیں جو اپنی 5 سالہ مدت پوری کریں۔

Share On Social Media

KARACHI

عوام کے لیے بُری خبر، بجلی کی قیمت میں اضافہ کردیا گیا

نیشنل الیکٹرک پاور ریگولیٹری اتھارٹی (نیپرا) نے ملک بھر کے بجلی صارفین کے لیے ماہانہ

Read More

کامران ٹیسوری کی بطور گورنر بحالی اور ملاقات کیلیے خطرناک اسٹنٹ کرنے والے شخص پر پرچہ کٹ گیا

سابق گورنر سندھ کامران خان ٹیسوری کی بحالی اور ملاقات کیلیے خطرناک انداز سے احتجاج

Read More

TECHNOLOGY

روبوٹس کے لیے اجرت طے کرنے کی تجویز، آخر یہ معاملہ کیا ہے؟

ایک ٹیکنالوجی ماہر نے خبردار کیا ہے کہ مصنوعی ذہانت یا اے آئی کے بڑھتے

Read More

واٹس ایپ کا نئے انٹرفیس پر کام جاری

انسٹنٹ میسجنگ ایپلی کیشن واٹس ایپ صارفین کے لیے نئے انٹرفیس پر کام کر رہی

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.