صدر زرداری سے درخواست کی جانی چاہیے کہ وہ نئے صوبوں سے متعلق مسئلہ حل کریں : رانا ثنااللہ

وزیراعظم شہباز شریف کے مشیر برائے سیاسی امور سینیٹر رانا ثنااللہ نے کہا ہے کہ نئے صوبوں کے معاملے پر حتمی فیصلہ پارلیمنٹ میں ہی ہوگا، صدر آصف علی زرداری سے درخواست کی جانی چاہیے کہ وہ صوبوں سے متعلق پیدا ہونے والی موجودہ صورتحال بہتر بنانے کے لیے اپنا کردار ادا کریں اور مسئلہ حل کریں، کیونکہ موجودہ کشیدگی نہ ملک کے لیے بہتر ہے اور نہ سیاست کے لیے۔

نجی ٹی وی سے گفتگو کرتے ہوئے رانا ثنااللہ نے وزیراعظم شہباز شریف اور صدر آصف علی زرداری کی ملاقات کی تصدیق کی، تاہم ان کا کہنا تھا کہ انہیں ملاقات میں ہونے والی گفتگو کے بارے میں علم نہیں۔ ان کی ذاتی رائے ہے کہ صدر زرداری سے درخواست کی جانی چاہیے کہ وہ صوبوں سے متعلق موجودہ صورتحال کو بہتر بنائیں۔

رانا ثنااللہ نے کہا کہ اصل معاملہ صدر آصف علی زرداری کے پاس ہے، بلاول بھٹو زرداری اور محسن نقوی دونوں ان کے بیٹے ہیں اور صدر زرداری کئی مرتبہ اس بات کا اظہار کر چکے ہیں۔ دونوں ان کے ڈسپلن میں ہیں اور وہ اس بات کو تسلیم نہیں کرتے کہ ان میں سے کوئی ان کے ڈسپلن سے باہر ہے۔ صدر زرداری ایک زیرک اور معاملہ فہم شخصیت ہیں، اس لیے ان کے خیال میں دونوں ان کے نظم و ضبط سے باہر نہیں ہوسکتے۔

انہوں نے کہا کہ محسن نقوی نے اکنامک فورم میں نئے صوبوں پر بحث کا آغاز کیا، لیکن اس معاملے کو ابتدا ہی میں متنازع بنا دیا گیا۔ خاص طور پر نظام تباہ ہونے سے متعلق بیان کو نئے صوبوں کے معاملے کے ساتھ اس انداز میں جوڑا گیا کہ اصل موضوع پس منظر میں چلا گیا۔ ان کے بقول محسن نقوی کی تقریر میں الفاظ کا انتخاب مناسب نہیں تھا۔

رانا ثنااللہ کا کہنا تھا کہ بلاول بھٹو زرداری نے گزشتہ دنوں مختلف سیاسی مسائل پر سنجیدہ گفتگو کی ہے، تاہم نئے صوبوں کے معاملے پر فیصلہ پارلیمنٹ میں بحث کے بعد ہی ہوگا کہ نئے صوبے بنانے ہیں یا نہیں۔ انہوں نے کہا کہ انہیں معلوم نہیں کہ اس حوالے سے کابینہ میں کوئی فیصلہ ہوا ہے یا وزیراعظم نے اس پر بات کی ہے، وزرا نے صرف اپنی اپنی رائے کا اظہار کیا ہے۔

انہوں نے کہا کہ اگر نئے صوبوں کا معاملہ پارلیمنٹ میں آتا تو بلاول بھٹو زرداری کو اس پر پارلیمنٹ میں بات کرنی چاہیے تھی۔ تاہم بلاول بھٹو کی جانب سے خونریزی سے متعلق بیان قطعی طور پر مناسب نہیں تھا۔

رانا ثنااللہ نے کہا کہ آج کی ملاقات میں محسن نقوی موجود تھے، بلاول بھٹو زرداری کو بھی مدعو کیا جا سکتا تھا تاکہ صدر آصف علی زرداری دونوں کو بٹھا کر سمجھاتے۔ ان کے مطابق اس وقت اصل مسئلہ دونوں رہنماؤں کی تقاریر اور پریس کانفرنسز ہیں، نئے صوبوں کا معاملہ محسن نقوی کا ذاتی مسئلہ نہیں ہو سکتا۔ طاقتور حلقے بھی بخوبی سمجھتے ہیں کہ کسی معاملے کو شروع کرنے سے پہلے اسے متنازع نہیں بنایا جاتا۔

صدر آصف علی زرداری کی نواز شریف سے لاہور میں ملاقات نہ ہونے سے متعلق سوال پر رانا ثنااللہ نے کہا کہ جب کوئی معاملہ ہوگا تو ملاقات بھی ہو جائے گی۔ صدر زرداری نے نواز شریف سے ملاقات کی خواہش ظاہر نہیں کی، جب وہ کہیں گے تو ملاقات ہو جائے گی۔

Share On Social Media

KARACHI

پاکستان اور کینیڈا کے معاشی تعلقات کا نیا باب، کراچی کے لیے بڑے منصوبے کا عندیہ

پاکستان اور کینیڈا نے اہم معدنیات، قابل تجدید توانائی اور انفراسٹرکچر کے شعبوں میں سرمایہ

Read More

ینگ مسلم فٹبال گراؤنڈ اورنگی ٹاؤن ویسٹ کے وفد کی ڈپٹی کمشنر ویسٹ سے اہم ملاقات

کراچی: یوتھ اسپورٹس اور کھیلوں کے فروغ کے سلسلے میں ینگ مسلم فٹبال گراؤنڈ اورنگی

Read More

TECHNOLOGY

ویڈیو پلیٹ فارمز کے درمیان مسابقت، کنٹینٹ کری ایٹرز کےلیے مالی پیکیج کی پیشکش

ڈیجیٹل ویڈیو پلیٹ فارمز کے درمیان بڑھتی ہوئی عالمی مسابقت کے پیشِ نظر، یوٹیوب نے

Read More

سوشل میڈیا پر حکومت مخالف بیانیہ پھیلانے والے سرکاری ملازمین کیخلاف کارروائی کا فیصلہ

وفاقی حکومت نے سوشل میڈیا کے استعمال کے حوالے سے سول سروس کنڈکٹ رولز کی

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.