25 روز میں 52 لاکھ شادیاں، 7 ہزار 500 ارب روپے کا کاروبار، مگر کہاں؟

بھارت میں شادیوں کا سیزن صرف خوشیوں اور تقریبات ہی نہیں بلکہ بڑے کاروباری مواقع بھی لے کر آرہا ہے۔ آئندہ 25 روز کے دوران ملک بھر میں تقریباً 52 لاکھ شادیاں ہونے کی توقع ہے، جن سے 7.5 لاکھ کروڑ روپے (7 ہزار 500 ارب روپے) کا کاروبار متوقع ہے۔ اس طرح روزانہ اوسطاً 2 لاکھ سے زیادہ شادیاں ہوں گی۔

بھارتی خبر رساں ادارے پی ٹی آئی کے مطابق تاجروں کی تنظیم کنفیڈریشن آف آل انڈیا ٹریڈرز (سی اے آئی ٹی) نے اندازہ لگایا ہے کہ 21 نومبر سے 15 دسمبر تک جاری رہنے والے شادیوں کے اس سیزن میں خریداری، زیورات، ملبوسات، ہوٹلوں، کھانے پینے، ٹرانسپورٹ اور دیگر شعبوں میں غیر معمولی کاروباری سرگرمیاں ہوں گی۔

تنظیم کے مطابق صرف دہلی اور نیشنل کیپیٹل ریجن میں تقریباً 5 لاکھ شادیاں متوقع ہیں، جن سے ڈھائی لاکھ کروڑ روپے (2 ہزار 500 ارب روپے) کا کاروبار ہوسکتا ہے۔ یہ تخمینے 25 ریاستوں کی 550 تجارتی انجمنوں اور 300 سے زائد کاروباری رہنماؤں سے مشاورت کے بعد تیار کیے گئے ہیں۔

سی اے آئی ٹی کے اندازے کے مطابق مجموعی کاروبار میں 4 لاکھ 5 ہزار کروڑ روپے اشیا اور خوردہ خریداری، جب کہ 3 لاکھ 45 ہزار کروڑ روپے خدمات کے شعبے سے حاصل ہونے کی توقع ہے۔

زیورات اور قیمتی دھاتوں کی خریداری سے ایک لاکھ 20 ہزار کروڑ روپے کا کاروبار متوقع ہے، جب کہ ملبوسات کا حصہ 90 ہزار کروڑ روپے ہوسکتا ہے۔ تحائف اور شادی کے لوازمات، کریانہ اور غذائی اشیا کے شعبوں میں 37 ہزار 500 کروڑ روپے فی شعبہ کاروبار کا اندازہ لگایا گیا ہے۔ الیکٹرانکس، خشک میوہ جات، مٹھائیاں اور گھریلو سامان کے شعبوں میں بھی 30، 30 ہزار کروڑ روپے کی خریداری متوقع ہے۔

خدمات کے شعبے میں کھانے پینے کے انتظامات سے 75 ہزار کروڑ روپے، جب کہ شادی ہالز، بینکوئٹ ہالز اور ہوٹلوں سے 60 ہزار کروڑ روپے کا کاروبار ہوسکتا ہے۔ تقریب کے انتظامات، شادی کی سجاوٹ، پھولوں، سفر اور ٹرانسپورٹ کے شعبے بھی اس سرگرمی سے فائدہ اٹھائیں گے۔

تنظیم کے مطابق شادیوں کے اس سیزن میں مختلف شعبوں میں تقریباً ایک کروڑ 25 لاکھ عارضی اور جزوقتی روزگار کے مواقع پیدا ہونے کی توقع ہے۔ ان میں کھانے کے انتظامات، سجاوٹ، فوٹوگرافی، ہوٹلنگ، ٹرانسپورٹ اور تقریب کے انتظامات سے وابستہ افراد شامل ہیں۔

سی اے آئی ٹی کے سیکریٹری جنرل پروین کھنڈیلوال کا کہنا ہے کہ شادیوں کا سیزن تاجروں، صنعت کاروں، ہنرمندوں اور چھوٹے کاروباروں کے لیے معاشی سرگرمیوں کا اہم ذریعہ ہے۔ تنظیم نے صارفین پر زور دیا ہے کہ وہ مقامی کاروبار اور بھارت میں تیار ہونے والی مصنوعات کو ترجیح دیں۔

Share On Social Media

KARACHI

پنکی کیس: تھانے کی ویڈیو غائب، خواتین اہلکار کلیئر، ایس ایچ او کا کردار مشکوک

کراچی میں ہائی پروفائل انمول عرف پنکی کیس کی تفتیش میں انتہائی سنسنی خیز اور

Read More

کراچی میں ایک اور منشیات سپلائی نیٹ ورک بے نقاب، خاتون سمیت 3 افراد گرفتار

کراچی میں قانون نافذ کرنے والے اداروں نے آئس اور ہیروئن کی سپلائی میں ملوث

Read More

TECHNOLOGY

آئی فون 18 پرو میں جدید کیمرا نظام، سیٹلائٹ 5 جی اور اے 20 چپ شامل کیے جانے کی توقع

ایپل کا آنے والا آئی فون 18 پرو بظاہر معمولی اپ گریڈ کے باوجود کارکردگی

Read More

فیس بک سے کمانا ہوا اب اور بھی آسان، مونیٹائزیشن کے قوانین میں بڑی نرمی

پاکستان میں فیس بک استعمال کرنے والے کانٹینٹ کریئیٹرز کے لیے خوش آئند خبر سامنے

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.