اعلیٰ تعلیم ہر نوجوان کا بنیادی حق ہے، طلبا کے خواب حقیقت بنائیں گے، مریم نواز شریف

وزیراعلیٰ پنجاب مریم نواز شریف نے طلبا کے عالمی دن کے موقع پر اپنے پیغام میں طلبا پر زور دیا ہے کہ وہ جدید تعلیم اور ٹیکنالوجی کے حصول کے ساتھ نظم و ضبط، اخلاقی اقدار اور خدمت کے جذبے کو بھی اپنائیں۔

مریم نواز شریف نے کہا کہ طلبا مستقبل کے رہنما اور ملک کی ترقی کے مضبوط ستون ہیں، آج کے طلبا کل کے سائنسدان، افسر، چیمپیئن، پالیسی ساز اور عالمی رہنما بنیں گے۔ طلبا تعمیرِ ملت میں بھرپور کردار ادا کریں اور اپنی صلاحیتوں کو ملک کی ترقی کے لیے بروئے کار لائیں۔

وزیراعلیٰ نے طلبا کے ہاتھوں میں قلم، کتاب اور لیپ ٹاپ دیکھنے کے عزم کا اعادہ کرتے ہوئے کہا کہ ہونہار اسکالرشپ پروگرام، لیپ ٹاپ اسکیم اور ای بائیکس کے ذریعے طلبا کو سہولتیں فراہم کی جائیں گی۔ نواز شریف اسکول آف ایمننس میں طلبا کو مہنگے نجی تعلیمی اداروں سے بہتر تعلیم فراہم کی گئی ہے۔

انہوں نے کہا کہ اعلیٰ تعلیم ہر نوجوان کا بنیادی حق ہے اور حکومت پنجاب طلبا کے خوابوں کو حقیقت میں بدلنے کے لیے تمام دستیاب وسائل بروئے کار لا رہی ہے۔ حکومت سے ملنے والے لیپ ٹاپ اور ڈیجیٹل لائبریریوں کو تعلیم اور تحقیق کے لیے استعمال کیا جائے۔

مریم نواز شریف نے کہا کہ ملکی قیادت اور مستقبل کے بارے میں درست فیصلے کرنے کے لیے طلبا کو ملک کی سیاست اور حالات سے باخبر رہنا چاہیے۔ طلبا جہاں بھی رہیں، ہنر، اخلاقی اقدار اور خدمت کے جذبے کو ہمیشہ زندہ رکھیں۔

Share On Social Media

KARACHI

عازمین حج کو گھر بیٹھے پیکیج دورانیہ اور رہائش میں ترمیم کی سہولت

وزارتِ مذہبی امور کے ترجمان نے کہا ہے کہ عازمین حج کی سہولت کے لیے

Read More

اسمبلی کمیٹی کے الیکٹرک پر شدید برہم: سی ای او کے وارنٹ گرفتاری اور سخت کارروائی کا مطالبہ

کراچی میں جاری غیر علانیہ لوڈشیڈنگ اور بجلی کے بحران پر سندھ اسمبلی کی خصوصی

Read More

TECHNOLOGY

سائبر سیکیورٹی کے سنگین خطرات، دنیا بھر میں متعدد ویب سائٹس بند

برطانوی نشریاتی ادارے کی رپورٹ کے مطابق ویب سائٹس بنانے میں استعمال ہونے والی پروگرامنگ

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.