سی ٹی ڈی کی کارروائی، کالعدم سندھودیش لبریشن آرمی کے 2 دہشتگرد گرفتار

محکمہ انسداد دہشتگردی (سی ٹی ڈی) نے وفاقی انٹیلیجنس ادارے کے تعاون سے کارروائی کرتے ہوئے کالعدم سندھودیش لبریشن آرمی (ایس ایل اے) کے 2 دہشتگردوں کو گرفتار کرلیا۔

سی ٹی ڈی حکام کے مطابق گرفتار ملزمان کی شناخت مدد علی عرف علی اور جنید علی عباسی کے نام سے ہوئی ہے۔ ملزمان کے قبضے سے دیسی ساختہ بم (آئی ای ڈی) اور دستی بم برآمد کیا گیا ہے۔

ترجمان سی ٹی ڈی کے مطابق ملزمان سندھ میں پولیس اور رینجرز اہلکاروں اور تنصیبات کو نشانہ بنانے کی منصوبہ بندی کر رہے تھے۔ دونوں ملزمان تنظیم کے کمانڈر دریا خان سے رابطے میں تھے اور اس کی ہدایت پر کراچی پہنچے تھے۔

حکام کے مطابق ملزمان نے قانون نافذ کرنے والے اداروں کی اہم عمارتوں اور دفاتر کی مبینہ طور پر ریکی بھی کی تھی۔ دوران تفتیش ملزمان نے کالعدم تنظیم سے عسکری تربیت حاصل کرنے اور دھماکا خیز مواد فراہم کیے جانے کا انکشاف کیا۔

سی ٹی ڈی نے گرفتار ملزمان کے خلاف 2 مقدمات درج کر لیے ہیں، جبکہ ان کے نیٹ ورک اور ممکنہ سہولت کاروں سے متعلق مزید تفتیش جاری ہے۔

وزیر داخلہ سندھ ضیاالحسن لنجار نے کارروائی پر سی ٹی ڈی اور وفاقی انٹیلی جنس ادارے کو سراہتے ہوئے کہا کہ ملزمان کی گرفتاری اور دھماکا خیز مواد کی برآمدگی سے کراچی میں ممکنہ دہشتگردی کا منصوبہ ناکام بنانے میں مدد ملی ہے۔ انہوں نے ملزمان کے دیگر ساتھیوں اور نیٹ ورک کے ارکان کی گرفتاری کے لیے تفتیش کا دائرہ وسیع کرنے کی ہدایت بھی کی۔

Share On Social Media

KARACHI

کراچی سے پہلی حج پرواز 160 عازمین کے ساتھ حجازِ مقدس روانہ

ملک بھر کے ہوائی اڈوں سے حج پروازوں کا آج سے باقاعدہ آغاز ہوگیا، کراچی

Read More

کراچی میں 29 ارب سے زائد ایرانی ریال اسمگل کرنے کی کوشش

کراچی میں کیماڑی پولیس نے اربوں روپے کی ایرانی کرنسی اسمگل کرنے کی کوشش ناکام

Read More

TECHNOLOGY

ہیومنائیڈ روبوٹس کی حقیقت کیا ہے؟ ماہر نے بڑے دعوؤں پر سوال اٹھا دیا

ٹیکنالوجی صحافی جیمز ونسنٹ نے مختلف ہیومنائیڈ روبوٹس کا عملی جائزہ لینے کے بعد کہا

Read More

پینٹاگون نے 80 برس پرانے راز افشا کردیے، اڑن طشتریوں سے متعلق خفیہ فائلیں بالاخر جاری

امریکی محکمہ دفاع پینٹاگون نے جمعہ کو یو ایف اوز (نامعلوم اڑنے والی اشیا) المعروف

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.