دوبئی(عارف محمود قریشی) شادیوں کا بچا ہوا کھانا اب ضائع نہیں ہوگا، مستحقین تک پہنچے گا.دبئی کی شاہی حکومت کا شاندار اور تاریخی اقدام.
تفصیلات کے مطابق دبئی نے خوراک کے ضیاع کو روکنے اور انسانی ہمدردی کی ایک نئی مثال قائم کرتے ہوئے ایک مہم جویانہ منصوبے کا اعلان کر دیا ہے! اب دبئی میں شادی بیاہ اور بڑی تقریبات سے بچ جانے والا پرشکوہ اور اضافی کھانا ضائع کرنے کے بجائے مکمل حفاظت اور احترام کے ساتھ مستحق افراد تک پہنچایا جائے گا۔اس تاریخی مشن کے لیے یو اے ای فوڈ بینک اور دبئی کمیونٹی ڈویلپمنٹ اتھارٹی نے ہاتھ ملا لیا ہے اور ایک اہم معاہدے پر دستخط کر دیے ہیں۔یہ اقدام “دبئی سوشل ایجنڈا 33” کے تحت معاشرتی یکجہتی، خوراک کے تحفظ اور ذمہ دارانہ استعمال کو یقینی بنانے کے لیے شروع کیا گیا ہے۔شادیوں اور تقریبات کی نشاندہی سی ڈی اے کرے گی، جبکہ کھانے کی اکٹھائی، منتقلی اور تقسیم صحت و حفاظت کے سخت ترین اصولوں کے مطابق کی جائے گی۔اس پروگرام کے تحت آگاہی مہمات چلائی جائیں گی اور عام لوگوں و رضاکاروں کو خیراتی سرگرمیوں میں بڑھ چڑھ کر حصہ لینے کا موقع ملے گا۔ڈاکٹر احمد الہاشمی چیف ایگزیکٹو، سوشل ریگولیشن اینڈ سروسز سیکٹر سی ڈی اے نے کہا ہے کہ شادیوں کی یہ مہم نہ صرف خاندانی استحکام کو فروغ دے گی بلکہ بچ جانے والے کھانے کی بحفاظت تقسیم سے معاشرے میں سخاوت اور باہمی تعاون کا نیا باب رقم کرے گی۔منال عبید بن یروف سربراہ ایگزیکٹو ٹیم، یو اے ای فوڈ بینک نے کہا کہ یہ شراکت داری اضافی خوراک کو ضائع ہونے سے بچانے اور اسے ایک منظم طریقے سے مستحقین تک پہنچا کر پائیدار اقدار کو عملی فوائد میں بدلنے کی ہماری صلاحیت کو مزید مضبوط کرے گی۔دبئی کا یہ منفرد اقدام نہ صرف سرافرازی اور سخاوت کی روایت کو برقرار رکھتا ہے بلکہ دنیا بھر کے لیے خوراک کی بچت اور انسانی خدمت کا ایک شاندار ماڈل پیش کرتا ہے۔
