گوادر میں سیکیورٹی فورسز نے فتنہ الہندوستان کی جانب سے تعمیراتی کمپنی کے خالی کیمپ پر حملے کی کوشش ناکام بنا دی۔ سیکیورٹی ذرائع کے مطابق کارروائی میں تین دہشت گرد مارے گئے، جب کہ دیگر دہشت گردوں کے خلاف آپریشن جاری ہے۔
گوادر میں سیکیورٹی فورسز نے فتنہ الہندوستان کی جانب سے تعمیراتی کمپنی کے خالی کیمپ پر حملے کی کوشش ناکام بنا دی۔ سیکیورٹی ذرائع کے مطابق کارروائی میں تین دہشت گرد مارے گئے، جب کہ دیگر دہشت گردوں کے خلاف آپریشن جاری ہے۔
گوادر میں سیکیورٹی فورسز نے فتنہ الہندوستان کی جانب سے تعمیراتی کمپنی کے خالی کیمپ پر حملے کی کوشش ناکام بناتے ہوئے تین دہشت گردوں کو ہلاک کر دیا۔ سیکیورٹی ذرائع کے مطابق علاقے میں دہشت گردوں کے خلاف کارروائیاں جاری ہیں۔
ذرائع کا کہنا ہے کہ سیکیورٹی فورسز نے بروقت کارروائی کرتے ہوئے خالی کیمپ کو نشانہ بنانے کی کوشش ناکام بنائی۔ اس دوران مزید تین دہشت گردوں کو گھیرے میں لیے جانے کی اطلاع ہے۔
دوسری جانب، سیکیورٹی ذرائع کے مطابق ایک اور حملے کی کوشش میں گوادر شاہراہ کے قریب واقع ایک ہوٹل میں موجود دہشت گردوں کے خلاف بھی آپریشن جاری ہے، جہاں چار دہشت گردوں کو سیکیورٹی فورسز نے گھیرے میں لے رکھا ہے۔
ذرائع کا کہنا ہے کہ جی او سی خود سیکیورٹی آپریشن کی قیادت کر رہے ہیں، کمپنی کے کیمپ پر حملے کی کوشش کالعدم عناصر سے منسوب ہے۔
دوسری جانب وفاقی وزیرداخلہ محسن نقوی نے گوادر میں تعمیراتی کمپنی کے خالی کیمپ پر دہشت گردوں کے حملے کی کوشش ناکام بنانے پر سیکیورٹی فورسز کی کارکردگی کو سراہا۔
محسن نقوی نے کارروائی کے دوران 3 دہشت گردوں کو ہلاک کرنے پر سیکیورٹی فورسز کی پیشہ ورانہ صلاحیتوں کی تعریف کی۔
وفاقی وزیرداخلہ کا کہنا تھا کہ دہشت گردوں کے خلاف برسرپیکار سیکیورٹی فورسز کے بہادر جوانوں پر فخر ہے، جو دہشت گردی کے خلاف کارروائیوں میں مصروف ہیں۔ انہوں نے مزید کہا کہ پوری قوم دہشت گردی کے خلاف متحد ہے اور سیکیورٹی فورسز کے ساتھ کھڑی ہے۔
وزیرداخلہ محسن نقوی نے اس عزم کا اظہار کیا کہ دہشت گردوں اور ان کے سہولت کاروں کے مکمل خاتمے تک آپریشنز جاری رکھے جائیں گے۔
