قادر محمود کو ’’سیفٹی انفلوئنسر آف دی ایئر‘‘ کا عالمی اعزاز مل گیا

سنگاپور, متحدہ عرب امارات میں مقیم پیشہ ورانہ صحت و سلامتی کے ماہر قادر محمود کو ڈبلیو ایس ایچ ایشیا ایوارڈز ۲۰۲۶ میں ’’سیفٹی انفلوئنسر آف دی ایئر‘‘ کے اعزاز سے نوازا گیا۔ وہ رواں سال یہ اعزاز حاصل کرنے والے واحد فرد ہیں۔سنگاپور کے سینڈز ایکسپو اینڈ کنونشن سینٹر میں منعقدہ گالا ڈنر اور تقسیمِ اعزازات کی تقریب میں ۲۳۴ افراد نے شرکت کی، جن میں مختلف ممالک کے حفاظتی امور کے ماہرین، کمپنیوں کے نمائندے اور صنعتی شعبے کے رہنما شامل تھے۔ تقریب میں صحت و سلامتی، ٹیکنالوجی، ماحولیات اور پائیداری کے شعبوں میں نمایاں کارکردگی پر اعزازات دیے گئے۔
چھ برس تک آن لائن انعقاد اور ۳۰ سے زائد ممالک کی شرکت کے بعد اس سال ایوارڈز پہلی مرتبہ دو مراحل میں منعقد ہوئے۔ پہلے مرحلے میں منتخب امیدواروں کے ناموں کا اعلان براہِ راست آن لائن نشریات کے ذریعے کیا گیا، جبکہ دوسرے مرحلے میں سنگاپور میں بالمشافہ تقریب ہوئی۔

صحت و سلامتی، ٹیکنالوجی، ماحولیاتی پائیداری اور صنعتی اقدامات سے متعلق کیٹیگریز میں ۴۱ کمپنیوں کو ابتدائی فہرست میں شامل کیا گیا، جن میں سے ۲۱ حتمی مرحلے تک پہنچیں۔ انفرادی اعزازات میں ’’وژنری لیڈرز‘‘ کے لیے ۱۰ اور ’’آؤٹ اسٹینڈنگ سیفٹی پریکٹیشنرز‘‘ کے لیے ۲۰ امیدواروں کو شارٹ لسٹ کیا گیا، جن میں سے بالترتیب ۶ اور ۱۰ امیدوار فائنلسٹ قرار پائے۔ لائف ٹائم اچیومنٹ ایوارڈ کے لیے بھی ۲ امیدوار حتمی مرحلے میں شامل تھے۔
مجموعی طور پر ۱۰ افراد کو ’’آؤٹ اسٹینڈنگ سیفٹی پریکٹیشنرز ایوارڈ‘‘ دیا گیا، تاہم ’’سیفٹی انفلوئنسر آف دی ایئر‘‘ کا اعزاز صرف قادر محمود کے نام رہا۔ امیدواروں کی کارکردگی کا جائزہ ایشیا بحرالکاہل کے مختلف ممالک سے تعلق رکھنے والے صنعتی ماہرین کے پینل نے لیا۔اعزاز حاصل کرنے پر قادر محمود نے کہا یہ ایوارڈ میرے لیے باعثِ فخر ہے۔ یہ صرف میری ذاتی کامیابی نہیں، بلکہ پاکستان اور متحدہ عرب امارات کے ہر اس سیفٹی پروفیشنل کی کامیابی ہے جو انسانی جانوں کے تحفظ اور سلامتی کے مضبوط کلچر کے فروغ کے لیے مسلسل محنت کر رہا ہے۔
انہوں نے امید ظاہر کی کہ یہ اعزاز خطے میں پیشہ ورانہ صحت و سلامتی کے اہم کردار کو اجاگر کرے گا اور مزید ماہرین کو بامقصد قیادت کی ترغیب دے گا۔

Share On Social Media

KARACHI

میر رضا کیس: جے آئی ٹی کا بزنس پارٹنر سے تفیتش کا دائرہ مزید وسیع کرنے کا فیصلہ

کراچی کے نوجوان تاجر میر رضا قتل کیس کی تحقیقات کرنے والی مشترکہ تحقیقاتی ٹیم

Read More

بینظیر انکم سپورٹ پروگرام کی رقم سے غیر قانونی کٹوتی کی شکایت کیسے درج کرائیں؟

سندھ کے شہر پنوعاقل میں بینظیر انکم سپورٹ پروگرام کے تحت مستحق خواتین کی امدادی

Read More

TECHNOLOGY

مائیکروسافٹ میں بڑی خرابی: آؤٹ لُک، ٹیمز سے اوپن اے آئی تک سب بند

دنیا بھر میں کروڑوں افراد اور کاروبار روزمرہ کاموں کے لیے مائیکروسافٹ کی سروسز پر

Read More

واٹس ایپ اسٹیٹس میں تصاویر کے بغیر براہِ راست لوکیشن شیئر کرنے کا نیا فیچر متعارف

واٹس ایپ صارفین اب اسٹیٹس پر تصویر یا ویڈیو کے بغیر بھی اپنی موجودہ لوکیشن

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.