جماعت اسلامی کے اسلام آباد میں دھرنوں کا شیڈول جاری

پیٹرولیم مصنوعات پر لیوی، بجلی کی بڑھتی ہوئی قیمتوں اور مہنگائی کے خلاف جماعت اسلامی نے اپنی احتجاجی تحریک میں مزید شدت لاتے ہوئے اسلام آباد کے مختلف علاقوں میں دھرنوں کا نیا شیڈول جاری کر دیا ہے۔ اس کے ساتھ ہی جماعت اسلامی نے صوبائی دارالحکومتوں کے بعد وفاقی دارالحکومت میں بھی شام سے رات گئے تک احتجاجی مظاہروں کا سلسلہ شروع کرنے کا فیصلہ کیا ہے، جبکہ کراچی، لاہور، پشاور اور کوئٹہ میں پہلے سے ہی احتجاجی دھرنے جاری ہیں۔

جماعت اسلامی اسلام آباد کے مطابق احتجاجی شیڈول کے تحت غوری ٹاؤن، کراچی کمپنی، جی سیون تھری، بی سترہ، پی ڈبلیو ڈی، بہارہ کہو، جھنگی سیداں اور لہتراڑ روڈ پر مرحلہ وار دھرنے دیے جائیں گے۔

پارٹی ترجمان کا کہنا ہے کہ یہ تمام احتجاجی دھرنے روزانہ شام کے وقت شروع ہوں گے اور رات گئے تک جاری رہیں گے تاکہ عوام کو ساتھ ملا کر حکومت پر معاشی ریلیف کے لیے دباؤ بڑھایا جا سکے اور پیٹرولیم لیوی جیسے ٹیکسوں کا خاتمہ ممکن بنایا جا سکے۔

دوسری جانب، لاہور میں ایک اہم پریس کانفرنس سے خطاب کرتے ہوئے امیر جماعت اسلامی حافظ نعیم الرحمن نے تحریک کے اگلے اور سخت ترین لائحہ عمل کا اعلان کیا۔

حافظ نعیم الرحمٰن کا کہنا تھا کہ حکومت سے دھرنا ختم کرنے پر کوئی بات نہیں ہوگی بلکہ صرف اس بات پر مذاکرات ہوں گے کہ لیوی کا یہ بھتہ ٹیکس کیسے ختم کیا جائے۔

انہوں نے مزید کہا کہ مافیاز نے پہلے چینی درآمد کر کے پیسہ کمایا اور اب وہ اسے برآمد کر کے کمائیں گے، جبکہ گزشتہ ایک سال کے دوران آٹے کی قیمت میں بھی فیصد اضافہ ہوا ہے۔

امیر جماعت اسلامی نے اعلان کیا کہ ملک کے تمام اضلاع میں احتجاجی کیمپ قائم کیے جائیں گے اور 12 ربیع الاول کے بعد 13 ربیع الاول کو ملک گیر شٹر ڈاؤن اور پہیہ جام ہڑتال کی جائے گی۔

حافظ نعیم الرحمٰن کا کہنا تھا کہ اگر حکومت نے عوام کو ریلیف فراہم نہ کیا اور ان کے مطالبات عملی طور پر تسلیم نہ کیے تو اس ملک گیر ہڑتال کے بعد اسلام آباد کی طرف ایک بڑا لانگ مارچ بھی کیا جائے گا۔

Share On Social Media

KARACHI

کراچی، کون سی شاہراہ بند ہے، اور کون سی سڑک ٹریفک کے لیے کھلی ہے؟ ٹریفک پولیس نے بتا دیا

ٹریفک پولیس نے شہر کی مختلف شاہراہوں پر ٹریفک کی تازہ صورتحال سے آگاہ کرتے

Read More

تین روزہ 18 ویں “سرتیوں سنگ” دستکاری نمائش کراچی میں کامیابی سے اختتام پذیر

سندھ کے 15 اضلاع کی دیہی خواتین کے ہاتھوں کی بنائی ہوئی سندھی دستکاریوں کی

Read More

TECHNOLOGY

گوگل میسجز کا نیا فیچر، لائیو لوکیشن کے ساتھ ٹریفک جام دیکھنا بھی ممکن

گوگل میسجز میں لائیو لوکیشن شیئر کرنے کے فیچر میں اہم تبدیلی متوقع ہے، جس

Read More

لائکس اور فالوورز کی دوڑ: ڈیجیٹل موازنہ کیسے انسانوں کا ذہنی سکون چھین رہا ہے؟

ماہرینِ ابلاغیات اور ذہنی صحت کا کہنا ہے کہ سوشل میڈیا روزمرہ کی زندگی کو

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.