امریکا اور کینیڈا میں تجارتی جنگ مزید شدت اختیار کرگئی

امریکا اور کینیڈا کے درمیان تجارتی کشیدگی میں مزید اضافہ ہوگیا۔ دونوں ملکوں کے درمیان تجارتی معاہدے کے لیے ہونے والے مذاکرات ناکام ہونے کے بعد امریکا نے کینیڈا کی قریباً 20 ارب ڈالر مالیت کی درآمدی اشیا پر 50 فیصد محصولات عائد کردیے ہیں

کینیڈین وزیراعظم مارک کارنی نے امریکی اقدام کے جواب میں 8 ستمبر سے امریکی درآمدات پر ڈالر کے بدلے ڈالر کی بنیاد پر جوابی محصولات عائد کرنے کا اعلان کیا ہے۔ ان محصولات میں امریکی اسٹیل، الیکٹرانکس، گھریلو آلات، زرعی آلات اور دیگر مصنوعات شامل ہوں گی۔

دونوں ممالک کے درمیان 3 روز تک جاری رہنے والے مذاکرات جمعہ کو اس وقت ناکام ہوگئے جب فریقین تجارتی معاہدے کی شرائط پر اتفاق نہ کرسکے۔ کینیڈا نے امریکی آخری وقت کی بعض شرائط کو ناقابل قبول قرار دیا، جبکہ واشنگٹن کا مؤقف ہے کہ اوٹاوا نے پہلے سے زیرِ بحث معاملات پر پیچھے ہٹ کر مذاکرات ناکام بنائے۔

رائٹرز کے مطابق نئی امریکی محصولات کینیڈا کی امریکا کو ہونے والی مجموعی برآمدات کے قریباً 5 فیصد حصے کو متاثر کریں گی، تاہم اس اقدام نے دونوں دیرینہ اتحادیوں کے درمیان تجارتی تعلقات میں ایک نئی کشیدگی پیدا کردی ہے۔

دونوں ملکوں کے درمیان بڑھتی ہوئی کشیدگی نے شمالی امریکا کے وسیع تر آزاد تجارتی معاہدے کے مستقبل کے بارے میں بھی خدشات پیدا کردیے ہیں، جبکہ عالمی مالیاتی منڈیوں میں بھی اس تنازع کے ممکنہ معاشی اثرات پر نظر رکھی جارہی ہے۔

Share On Social Media

KARACHI

نئے انتظامی یونٹس ہی مسائل کا حل، معاملہ عوام کے پاس لے جانا ہوگا: محسن نقوی

 وفاقی وزیر داخلہ محسن نقوی نے کہا ہے کہ پاکستان میں نئے انتظامی یونٹس یا

Read More

TECHNOLOGY

کیا ایف آئی اے کو شہریوں کے سوشل میڈیا اکاؤنٹس تک براہِ راست رسائی مل گئی؟

زنیرہ رفیع وفاقی تحقیقاتی ادارے (ایف آئی اے) نے سماجی رابطوں کی ویب سائٹس کے

Read More

پرانے فون کی دھیمی ہوتی آواز کو دوبارہ تیز کرنے کا طریقہ

آج کے دور میں موبائل فون صرف بات چیت کے لیے استعمال نہیں ہوتا بلکہ

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.