امریکا اور کینیڈا میں تجارتی جنگ مزید شدت اختیار کرگئی

امریکا اور کینیڈا کے درمیان تجارتی کشیدگی میں مزید اضافہ ہوگیا۔ دونوں ملکوں کے درمیان تجارتی معاہدے کے لیے ہونے والے مذاکرات ناکام ہونے کے بعد امریکا نے کینیڈا کی قریباً 20 ارب ڈالر مالیت کی درآمدی اشیا پر 50 فیصد محصولات عائد کردیے ہیں

کینیڈین وزیراعظم مارک کارنی نے امریکی اقدام کے جواب میں 8 ستمبر سے امریکی درآمدات پر ڈالر کے بدلے ڈالر کی بنیاد پر جوابی محصولات عائد کرنے کا اعلان کیا ہے۔ ان محصولات میں امریکی اسٹیل، الیکٹرانکس، گھریلو آلات، زرعی آلات اور دیگر مصنوعات شامل ہوں گی۔

دونوں ممالک کے درمیان 3 روز تک جاری رہنے والے مذاکرات جمعہ کو اس وقت ناکام ہوگئے جب فریقین تجارتی معاہدے کی شرائط پر اتفاق نہ کرسکے۔ کینیڈا نے امریکی آخری وقت کی بعض شرائط کو ناقابل قبول قرار دیا، جبکہ واشنگٹن کا مؤقف ہے کہ اوٹاوا نے پہلے سے زیرِ بحث معاملات پر پیچھے ہٹ کر مذاکرات ناکام بنائے۔

رائٹرز کے مطابق نئی امریکی محصولات کینیڈا کی امریکا کو ہونے والی مجموعی برآمدات کے قریباً 5 فیصد حصے کو متاثر کریں گی، تاہم اس اقدام نے دونوں دیرینہ اتحادیوں کے درمیان تجارتی تعلقات میں ایک نئی کشیدگی پیدا کردی ہے۔

دونوں ملکوں کے درمیان بڑھتی ہوئی کشیدگی نے شمالی امریکا کے وسیع تر آزاد تجارتی معاہدے کے مستقبل کے بارے میں بھی خدشات پیدا کردیے ہیں، جبکہ عالمی مالیاتی منڈیوں میں بھی اس تنازع کے ممکنہ معاشی اثرات پر نظر رکھی جارہی ہے۔

Share On Social Media

KARACHI

‘میر رضا کا قتل ثابت ہوتا ہے، پولیس کوتاہیوں کا اعتراف کرے’؛ جوڈیشل کمیشن کی رپورٹ

میر رضا علی کی پُراسرار موت کی تحقیقات کے لیے قائم جوڈیشل کمیشن کی رپورٹ

Read More

اپوزیشن دہشت گردی کے خلاف وفاق کا ساتھ دے تو ایمرجنسی ختم ہوسکتی ہے: بلاول بھٹو

پاکستان پیپلز پارٹی کے چیئرمین بلاول بھٹو زرداری نے کہا ہے کہ خیبرپختونخوا کے وزیراعلیٰ

Read More

TECHNOLOGY

حساس امریکی ادارے کے 40 ہزار سے زائد ملازمین کا ڈیٹا لیک

امریکا میں سرکاری اداروں کے ڈیٹا کی سیکیورٹی ایک بار پھر سوالات کی زد میں

Read More

بچوں کے لیے ڈارک ویب ہی نہیں، عام سوشل میڈیا بھی خطرہ بننے لگا، والدین کیا احتیاط کریں؟

بچوں کے لیے انٹرنیٹ کی دنیا جہاں تعلیم، تفریح اور معلومات کے بے شمار مواقع

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.