موسلا دھار بارشیں، مختلف شہر زیرِ آب، تاجروں کو کروڑوں کا نقصان

 حالیہ موسلا دھار بارشوں نے پاکستان کے مختلف شہروں میں تباہی مچا دی، کئی بازار، رہائشی علاقے اور کاروباری مراکز بارش کے پانی میں ڈوب گئے، جبکہ گھروں اور دکانوں میں پانی داخل ہونے سے شہریوں کو شدید مشکلات کا سامنا ہے۔

شدید بارش کے باعث راولپنڈی کے راجہ بازار کے متعدد حصے بھی زیرِ آب آگئے، جہاں پانی گوداموں اور دکانوں میں داخل ہونے سے تاجروں کے کروڑوں روپے مالیت کے سامان کو نقصان پہنچنے کی اطلاعات ہیں۔

بارش کے بعد سوشل میڈیا صارفین کی جانب سے راجہ بازار کو ماڈل بازار بنانے کے منصوبے پر بھی سوالات اٹھائے جا رہے ہیں۔ صارفین کا کہنا ہے کہ بازار کی تزئین و آرائش اور اسے ماڈل بازار بنانے پر کروڑوں روپے خرچ کیے گئے، تاہم ایک ہی بارش نے نکاسیٔ آب کے انتظامات کی قلعی کھول دی۔

دوسری جانب صوابی، جہلم اور دیگر شہروں سے بھی بارش اور سیلابی صورتحال کی ویڈیوز اور تصاویر سوشل میڈیا پر تیزی سے وائرل ہو رہی ہیں۔ مختلف علاقوں میں پانی جمع ہونے کے باعث معمولاتِ زندگی شدید متاثر ہوئے جبکہ بعض مقامات پر عمارتیں منہدم ہونے اور جانی و مالی نقصان کی اطلاعات بھی سامنے آئی ہیں۔

ایک صارف نے ویڈیو شیئر کرتے ہوئے لکھا کہ جہلم میں موسلا دھار بارش سے نشیبی علاقے اور قدرتی آبی گزرگاہوں پر قائم آبادیاں زیرِ آب آگئی ہیں۔

سوشل میڈیا پر ایک صارف کا کہنا تھا کہ گجرات میں بارش کا پانی گھروں میں داخل ہو گیا ہے جس سے شہریوں کو شدید مشکلات کا سامنا ہے۔

اے وحید مراد کا کہنا تھا کہ جتنی رقم سڑکوں، عمارتوں کی آرائش پر لگاتے ہیں اس کا چوتھائی بھی زمین کے نیچے نکاسی آب کے نظام کو بہتر بنانے پر لگا دیں تو یہ دن نہ دیکھنے پڑیں۔

حالیہ صورتحال کے باعث شہریوں نے متعلقہ اداروں سے نکاسیٔ آب کے مؤثر انتظامات اور متاثرہ علاقوں میں فوری امدادی کارروائیاں یقینی بنانے کا مطالبہ کیا ہے۔

Share On Social Media

KARACHI

پاکستان کے بالائی و شمالی علاقہ جات میں برفباری، خیبر پختونخوا میں بارش کا امکان

پاکستان کے شمالی و بالائی علاقوں اور خیبر پختونخوا کے بیشتر اضلاع میں تیز ہواؤں

Read More

بھرپور صحت: ہفتے میں یہ نباتاتی غذائیں کھائیں اور دیکھیں اس کا کمال

ماہرین کے مطابق خوراک میں پھلوں اور سبزیوں کے ساتھ دالیں، اناج، گری دار میوے

Read More

TECHNOLOGY

ہمارا اے آئی حیاتیاتی ہتھیار بنانے سے لے کر انسانوں کو بلیک میل تک کر سکتا ہے: اینتھروپک

آرٹیفیشل انٹیلی جنس پر مبنی چیٹ بوٹ ’کلاڈ‘ تیار کرنے والے امریکی ادارے ’اینتھروپک‘ کی

Read More

اسرائیلی جاسوس کمپنی اسٹار لنک صارفین کی جاسوسی کر رہی ہے: ٹیک ماہرین کا انکشاف

سیٹلائٹ انٹرنیٹ نے ان علاقوں میں بھی رابطے ممکن بنائے ہیں جہاں روایتی انٹرنیٹ سروسز

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.