وزیراعظم شہباز شریف نے پاکستان میں گوگل کے آفس کا افتتاح کردیا

گوگل نے پاکستان میں اپنا باضابطہ دفتر قائم کردیا، وزیراعظم شہباز شریف اور گوگل کے اعلیٰ حکام نے دفتر کی افتتاحی تختی کی نقاب کشائی کی۔ اس موقع پر گوگل حکام نے پاکستانی نوجوانوں کی صلاحیتوں کو سراہتے ہوئے ملک میں اپنے پروگرام مزید وسیع کرنے کی خواہش کا اظہار کیا۔

اس موقع پر وزیراعظم شہباز شریف، مسٹر ولسن وائٹ، امریکی ناظم الامور نٹالی بیکر اور دیگر عہدیداروں نے مشترکہ طور پر پاکستان میں گوگل کے دفتر کے افتتاح کے موقع پر ایک تختی کی نقاب کشائی کی۔

بعدازاں وزیراعظم شہباز شریف سے گوگل کے گورنمنٹ افیئرز اینڈ پبلک پالیسی کے نائب صدر ولسن وائٹ کی قیادت میں 9 رکنی وفد نے ملاقات کی۔ اسلام آباد میں ہونے والی ملاقات میں امریکی ناظم الامور نیٹلی بیکر بھی شریک تھیں۔

ملاقات کے دوران وزیراعظم شہباز شریف نے کہا کہ پاکستان میں حکومتی امور اور معیشت کی ڈیجیٹلائزیشن کا عمل جاری ہے، جبکہ قومی ڈیجیٹل ایکو سسٹم کے مختلف اقدامات بھی حتمی مراحل میں ہیں۔

وزیراعظم نے کہا کہ پاکستان میں موجودگی کے بعد گوگل اپنے مؤثر پروگراموں کو مزید وسعت دے سکتا ہے۔ انہوں نے پاکستان کی ڈیجیٹل معیشت میں گوگل کے کردار کو قابلِ تعریف قرار دیا۔

اس موقع پر گوگل کے نائب صدر ولسن وائٹ نے کہا کہ گوگل پاکستانی نوجوانوں کی صلاحیتوں کا اعتراف کرتا ہے اور پاکستان میں اپنے پروگراموں کو مزید وسیع کرنے کا خواہشمند ہے۔

ملاقات میں پاکستان میں ڈیجیٹل معیشت کے فروغ، نوجوانوں کے لیے مواقع بڑھانے اور ٹیکنالوجی کے شعبے میں تعاون کو مزید وسعت دینے سے متعلق امور پر بھی تبادلہ خیال کیا گیا۔

Share On Social Media

KARACHI

راولاکوٹ میں کالعدم ایکشن کمیٹی کی مبینہ فائرنگ، قانون نافذ کرنے والے چار اہلکار شہید

آزاد کشمیر کے علاقے راولاکوٹ میں قانون نافذ کرنے والے اداروں اور کالعدم قرار دی

Read More

فکسڈ ٹیکس اسکیم میں شامل ہونے سے چھوٹے دکانداروں کو کیا فائدہ ہوگا؟

حکومت نے ملک بھر کے چھوٹے دکانداروں کے لیے ایک آسان ٹیکس نظام متعارف کرا

Read More

TECHNOLOGY

گوگل کا اینڈرائیڈ صارفین کیلئے اہم فیچر پر کام جاری!

ایک نئی رپورٹ کے مطابق گوگل اینڈرائیڈ صارفین کے لیے ایسے نئے فیچر پر کام

Read More

سعودی محققین کی بڑی کامیابی، پاس ورڈ کے بغیر ڈیوائسز کی شناخت کرنے والی جدید ٹیکنالوجی تیار

سعودی عرب کی کنگ عبداللہ یونیورسٹی آف سائنس اینڈ ٹیکنالوجی کے محققین نے ایک ایسی

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.