راولپنڈی، اسلام آباد میں موسلادھار بارش، نالہ لئی میں طغیانی، کٹاریاں پر پانی 22 فٹ سے تجاوز

راولپنڈی اور اسلام آباد میں رات گئے سے جاری موسلادھار بارش نے شہری زندگی متاثر کردی، نشیبی علاقوں میں پانی جمع ہونے کے ساتھ نالہ لئی میں طغیانی کی صورتحال پیدا ہوگئی۔ کٹاریاں کے مقام پر نالہ لئی میں پانی کی سطح 22 فٹ سے تجاوز کرگئی، جس کے بعد انتظامیہ نے نالے کے اطراف آبادیوں کو محتاط رہنے اور محفوظ مقامات پر منتقل ہونے کی ہدایات جاری کردی ہیں۔ خطرے کے سائرن بھی بجا دیے گئے۔

اسلام آباد کے مختلف علاقوں میں بارش کا سلسلہ وقفے وقفے سے جاری ہے، جبکہ سیدپور میں سب سے زیادہ 66 ملی میٹر بارش ریکارڈ کی گئی۔ مسلسل بارش کے باعث شہر کے نشیبی علاقوں میں پانی جمع ہونے اور شہریوں کو آمدورفت میں مشکلات کا سامنا ہے۔

راولپنڈی میں نالہ لئی کی سطح بلند ہونے کے بعد واسا کی ٹیمیں اور بھاری مشینری نالہ لئی سمیت نشیبی علاقوں میں تعینات کردی گئی ہے۔ انتظامیہ اور متعلقہ ادارے صورتحال کی نگرانی کر رہے ہیں اور پانی کی نکاسی کے لیے ہنگامی اقدامات جاری ہیں۔

نالہ لئی میں طغیانی کے باعث اطراف کی آبادیوں کو خصوصی احتیاط کی ہدایت کی گئی ہے۔ شہریوں سے کہا گیا ہے کہ وہ نالے کے قریب جانے سے گریز کریں، غیرضروری سفر سے اجتناب کریں اور انتظامیہ کی جانب سے جاری ہدایات پر عمل کریں۔

بالائی پنجاب کے دیگر علاقوں میں بھی بارش

راولپنڈی اور اسلام آباد کے علاوہ پنجاب کے مختلف علاقوں میں بھی بارش کا سلسلہ جاری ہے۔ نارووال میں وقفے وقفے سے بارش کے باعث نشیبی علاقوں میں پانی جمع ہوگیا جبکہ منڈی بہاؤالدین میں بھی بارش ریکارڈ کی گئی۔

محکمہ موسمیات نے جمعے تک ملک کے بالائی اور وسطی علاقوں میں بارشوں کا الرٹ جاری کر رکھا ہے۔ پیش گوئی کے مطابق اسلام آباد، بالائی پنجاب، خیبر پختونخوا، گلگت بلتستان اور کشمیر سمیت مختلف علاقوں میں بارش کا امکان ہے، جبکہ بعض مقامات پر تیز ہواؤں اور گرج چمک کے ساتھ موسلادھار بارش بھی ہوسکتی ہے۔

دریاؤں کی صورتحال

فلڈ فارکاسٹنگ ڈویژن لاہور کے مطابق دریائے سندھ میں کالا باغ، چشمہ، تونسہ اور گڈو بیراج پر نچلے درجے کا سیلاب ہے، تاہم ملک کے دیگر دریاؤں میں صورتحال معمول کے مطابق ہے۔

Share On Social Media

KARACHI

پاشا کے سینیئر نائب چیئرمین کو قائم مقام چیئرمین مقرر کر دیا گیا: پاکستان سافٹ ویئر ہاؤسز ایسوسی ایشن (P@SHA)

پاکستان سافٹ ویئر ہائوسز ایسوسی ایشن کے چیئرمین سجاد مصطفی سید کے خلاف سنٹرل ایگزیکٹو

Read More

بیوٹی سیکٹر میں ایستھیٹک سیفٹی کے لیے فوری ریگولیٹری اقدامات ناگزیر – زہرہ زاہد

ایف پی سی سی آئی کی سینٹرل اسٹینڈنگ کمیٹی برائے ویمن اسٹائل، بیوٹی اینڈ اسکن

Read More

TECHNOLOGY

مصنوعی ذہانت کے ٹائیکون ’اوپن اے آئی‘ نے 3 محققین کو نوکری سے نکال دیا

مصنوعی ذہانت بنانے والے معروف ادارے ’اوپن اے آئی‘ نے حساس معلومات سے متعلق پالیسیوں

Read More

اینڈرائیڈ پر بڑی سہولت: واٹس ایپ اسٹیٹس اب ڈبل اسپیڈ پر بھی دیکھا جاسکے گا

واٹس ایپ اسٹیٹس کو ڈبل اسپیڈ پر دیکھنے کے لیے اور اینڈرائیڈ صارفین کو آخر

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.