جنوبی امریکی ملک پیرو میں سیاحوں کو لے جانے والا ایک چھوٹا طیارہ گر کر تباہ ہوگیا، جس کے نتیجے میں سوار تمام 13 افراد ہلاک ہوگئے۔

غیرملکی میڈیا کے مطابق حادثہ اس وقت پیش آیا جب طیارہ دنیا کے معروف آثارِ قدیمہ نازکا لائنز کے قریب پرواز کر رہا تھا۔

سرکاری حکام کے مطابق طیارے میں عملے کے 2 ارکان سمیت 11 غیر ملکی سیاح سوار تھے۔ ہلاک ہونے والے سیاحوں کا تعلق جرمنی، اٹلی اور اسپین سے بتایا گیا ہے۔