خالد محمود گوندل
شارجہ. متحدہ عرب امارات میں مقیم پاکستانیوں کو نادرا کی طرف سے خصوصی سہولیات پہنچا نے کے لئے نادرا موبائل رجسٹریشن ٹیم نے پاکستان قونصلیٹ ٹیم کے ہمراہ پاکستان سوشل سنٹر شارجہ کا دورہ کیا اور لوگوں کو نئی شناختی دستاویزات، تبدیلی یاتجدید کی تمامترکارروائی فراہم کی.
نادرا کی طرف سے فراہم کی جانے والی خدمات میں پہلی بار تجدیده ترمیم، نائکو، منسوخی ،ری پرنٹ، فیملی رجسٹریشن سرٹیفکیٹ جیسی سہولیات شامل تھیں. پاکستان سوشل سینٹر شارجہ کے صدر چودھری خالد حسین نے کہا کہ عوام الناس کو نادرا کی سہولیات ان کے قریب تر اور ڈور سٹیپ پر فراہم کر کے نادرا اور قونصلیٹ نے بہترین عوامی سہولت فراہم کی ہے جس پر ناردرن ایمریٹس میں مقیم پاکستانی بے حد خوش ہیں اور امید کرتے ہیں کہ پاکستانی قونصلیٹ دبئی اور نادرا کی طرف سے یہ سہولت آئندہ بھی فراہم کی جاتی رہے گی.
