اڈیالہ جیل کے باہر پی ٹی آئی کارکنان آپس میں گتھم گتھا، کپڑے پھاڑ دیے، مکوں اور گالیوں کا تبادلہ

اڈیالہ جیل کے گورکھپور ناکے پر پاکستان تحریک انصاف (پی ٹی آئی) کے کارکنان 2 گروپوں میں تقسیم ہو کر آپس میں الجھ پڑے۔ تلخ کلامی کے بعد دونوں جانب سے ایک دوسرے پر مکوں کی بارش کی گئی، کپڑے پھاڑ دیے گئے اور شدید ہنگامہ آرائی دیکھنے میں آئی، جبکہ علیمہ خان اور ان کی بہنیں قریب موجود رہیں اور صورتحال کا مشاہدہ کرتی رہیں۔

راولپنڈی میں اڈیالہ جیل کے گورکھپور ناکے پر پاکستان تحریک انصاف کے کارکنان کے 2 گروپوں کے درمیان اس وقت ہاتھا پائی ہوگئی جب ایک گروپ علیمہ خان سے ملاقات کے لیے آگے بڑھا، تاہم دوسرے گروپ نے انہیں روک دیا۔

ذرائع کے مطابق کارکنان کو آگے جانے سے روکنے پر دونوں گروپوں کے درمیان پہلے تلخ جملوں کا تبادلہ ہوا، جو دیکھتے ہی دیکھتے شدید لڑائی میں تبدیل ہوگیا۔ اس دوران کارکنان نے ایک دوسرے کو گالیاں دیں، مکے مارے اور ایک دوسرے کے کپڑے بھی پھاڑ دیے۔

عینی شاہدین کے مطابق جھگڑے کے دوران دونوں گروپوں کے کارکنان ایک دوسرے پر ٹوٹ پڑے، جس سے موقع پر افراتفری پھیل گئی۔ اس دوران علیمہ خان اور ان کی بہنیں قریب موجود رہیں اور پورا واقعہ دیکھتی رہیں۔

واقعے کے باعث کچھ دیر کے لیے جیل کے باہر کشیدگی کی صورتحال پیدا ہوگئی، تاہم بعد ازاں موجود افراد نے مداخلت کر کے دونوں گروپوں کو الگ کیا۔

واضح رہے کہ یہ پہلا موقع نہیں جب اڈیالہ جیل کے باہر پی ٹی آئی کارکنان کے درمیان تصادم ہوا ہو، اس سے قبل بھی مختلف مواقع پر کارکنان متعدد بار آپس میں گتھم گتھا ہو چکے ہیں۔

Share On Social Media

KARACHI

نارتھ کراچی صنعتی علاقہ : 731 ملین روپے کے ترقیاتی منصوبوں کا آغاز

میئر کراچی بیرسٹر مرتضیٰ وہاب نے نارتھ کراچی میں 731 ملین روپے کی لاگت سے

Read More

شیڈول ردی کی نذر: گیس بحران ، شہری ذہنی اذیت میں مبتلا

موسم سرما کی آمد سے قبل ہی شہر قائد میں گیس کا بحران شدت اختیار

Read More

TECHNOLOGY

واٹس ایپ بزنس سے متعلق غلط معلومات فراہم کرنے پر میٹا کو برطانیہ میں 4 لاکھ 50 ہزار پاؤنڈ جرمانہ

برطانوی میڈیا کے نگران ادارے آف کام نے واٹس ایپ بزنس سروس سے متعلق سرکاری

Read More

جی ٹی اے 6 کا جنون، کمپنی نے ملازمین کو گیمز کھیلنے کے لیے چھٹی دےدی

معروف ٹیکنالوجی کمپنی لاجٹیک نے ویڈیو گیم گرینڈ تھیفٹ آٹو 6 (جی ٹی اے 6)

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.