کارگو طیارے کا ملبہ مل گیا، عملے کی تلاش، تحقیقات تیز، کے ٹو ایئر ویز کا آفس سیل

نجی کارگو ایئرلائن کے ٹو ایئرویز کے شارجہ سے کراچی آنے والے کارگو طیارے کے بحیرۂ عرب میں لاپتہ ہونے کے بعد سرچ اینڈ ریسکیو آپریشن جاری ہے ۔ پاک بحریہ اور پاکستان میری ٹائم سکیورٹی ایجنسی (پی ایم ایس اے )کے مطابق 12 گھنٹے سے زائد جاری رہنے والے مشترکہ آپریشن کے دوران طیارے کا ملبہ بلوچستان کے ساحلی علاقے اوڑمارہ سے 53 ناٹیکل میل جنوب میں سمندر سے برآمد کر لیا گیا۔ ملبے کی نشاندہی کے بعد مزید شواہد اور عملے کے ارکان کی تلاش جاری ہے ۔بیورو آف ایئرکرافٹ سیفٹی انویسٹی گیشن کی 11 رکنی تحقیقاتی ٹیم اسلام آباد سے کراچی پہنچ گئی۔

ٹیم جائے وقوعہ کا دورہ کرنے کے ساتھ کے ٹو ایئرویز کے دفاتر میں تکنیکی ریکارڈ، طیارے کی مینٹی نینس لاگ بکس، پرواز سے متعلق دستاویزات اور عملے کی تفصیلات کا جائزہ لے گی۔ تحقیقات کے دوران یہ بھی دیکھا جائے گا کہ قومی اور بین الاقوامی حفاظتی ضوابط پر مکمل عمل کیا گیا تھا یا نہیں۔ پاکستان ایئرپورٹس اتھارٹی نے کے ٹو ایئرویز کا مرکزی دفتر سیل کر دیا جبکہ آپریشنل ضروریات کے پیش نظر کمپنی کے ایک دفتر کو کھلا رکھنے کی اجازت دی گئی ہے ۔ذرائع کے مطابق بوئنگ 737 کو حادثہ نیوی گیشن سسٹم میں خرابی کے باعث پیش آیا، طیارے کو پائلٹ رضوان ادریس اور فیصل جتوئی اڑا رہے تھے جبکہ اس میں عملے کے پانچ افراد سوار تھے۔

وزیراعظم شہباز شریف نے حادثے پر گہرے رنج و غم اور افسوس کا اظہار کرتے ہوئے عملے کے اہل خانہ سے دلی ہمدردی کا اظہار کیا اور پاکستان سول ایوی ایشن، پاک بحریہ اور پاکستان ایئر فورس کو سرچ اینڈ ریسکیو کارروائیاں تیز کرنے اور تمام ممکنہ وسائل بروئے کار لانے کی ہدایت کی۔صدر مملکت آصف علی زرداری نے بھی نجی کارگو طیارے کے بحیرۂ عرب میں لاپتہ ہونے پر گہری تشویش اور افسوس کا اظہار کرتے ہوئے اہل خانہ سے دلی ہمدردی کا اظہار کیا۔

Share On Social Media

KARACHI

دعوت کے بہانے موت کا جال، ٹیکسی ڈرائیور نے بیوی سمیت 7 رشتے داروں کو قتل کر دیا

بھارتی شہر بنگلورو میں قتل کی ایک انتہائی لرزہ خیز واردات سامنے آئی ہے جہاں

Read More

کراچی: نامعلوم ملزمان کی اسپتال میں فائرنگ، ڈاکٹر جاں بحق

کراچی کے علاقے گلشن معمار میں نامعلوم مسلح ملزمان نے اسپتال میں گھس کر فائرنگ

Read More

TECHNOLOGY

پریمیئم کے بغیر یوٹیوب پر اشتہارات سے چھٹکارا حاصل کرنے کے آسان طریقے

یوٹیوب پر ویڈیوز دیکھتے ہوئے بار بار آنے والے اشتہارات صارفین کے لیے پریشانی کا

Read More

کیا انسٹاگرام آپ کی اصل عمر کا راز کھول دے گا؟ اے آئی کم عمر صارفین کو کیسے پکڑے گی؟

میٹا نے دنیا بھر میں اے آئی ٹیکنالوجی کے ذریعے عمر کی شناخت کا نظام

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.