شارجہ سے کراچی آنیوالا کارگو طیارہ سمندر میں گر کر تباہ، 2 پائلٹ سمیت 5 افراد جاں بحق

شارجہ سے کراچی آنے والا کے ٹو ایئرویز کا کارگو طیارہ بلوچستان کے ساحلی علاقے اورماڑا کے قریب سمندر میں گر کر تباہ ہوگیا، جس کے نتیجے میں پائلٹ سمیت عملے کے تمام 5 افراد جاں بحق ہوگئے۔

حادثے میں جاں بحق ہونے والوں میں پائلٹ محمد رضوان ادریس، معاون پائلٹ فیصل جتوئی، انجینئرز محمد حامد اور محمد عارف صدیقی جبکہ لوڈ ماسٹر محمد توفیق خان شامل ہیں۔

پاکستان ایئرپورٹس اتھارٹی کے مطابق کے ٹوایئرویز کا بی 737 کارگو طیارہ شارجہ سے کراچی آرہا تھا کہ پاکستان کے معیاری وقت کے مطابق رات 9 بج کر 18 منٹ پر پائلٹ نے نیوی گیشن سسٹم میں خرابی کی اطلاع دی۔

جس پر کراچی ایریا کنٹرول سینٹر نے طیارے کی رہنمائی شروع کی۔ تاہم رات 9 بج کر 21 منٹ پر ریڈار پر طیارہ تیزی سے نیچے آتا اور اپنا رخ تبدیل کرتا دکھائی دیا، جبکہ رات 9 بج کر 32 منٹ پر اورماڑا کے قریب سمندر کے اوپر اس کا فضائی کنٹرول سے رابطہ مکمل طور پر منقطع ہوگیا۔

ایوی ایشن حکام کے مطابق طیارہ کراچی سے تقریباً 300 کلومیٹر دور اور اورماڑا کی سمندری حدود میں، کراچی سے تقریباً 130 ناٹیکل میل کے فاصلے پر فنی خرابی کے باعث سمندر میں گر کر تباہ ہوا۔

رابطہ منقطع ہونے کے فوراً بعد پاکستان نیوی، پاکستان ایئر فورس اور پاکستان کوسٹ گارڈز نے مشترکہ سرچ اینڈ ریسکیو آپریشن شروع کردیا، جس کے بعد طیارے کے حادثے اور عملے کے تمام پانچ افراد کے جاں بحق ہونے کی تصدیق کردی گئی۔

متعلقہ حکام نے حادثے کی تحقیقات کا آغاز کر دیا ہے تاکہ طیارہ گرنے کی وجوہات کا تعین کیا جا سکے۔

Share On Social Media

KARACHI

پاکستان نے اپنا معدنی خزانہ کھول دیا، ریکوڈک سے ریفائننگ تک دنیا سرمایہ کاری کر رہی ہے

پاکستان کے پاس 92 معروف معدنیات ہیں پھر بھی صرف 52 استعمال میں ہیں اور

Read More

دہشت گردوں کے ناپاک عزائم کسی صورت کامیاب نہیں ہونے دیں گے: وزیراعظم

 وزیراعظم محمد شہبازشریف نے کہا کہ پاکستان کے امن واستحکام پر کوئی سمجھوتہ نہیں کیا

Read More

TECHNOLOGY

مائیکروسافٹ میں بڑی خرابی: آؤٹ لُک، ٹیمز سے اوپن اے آئی تک سب بند

دنیا بھر میں کروڑوں افراد اور کاروبار روزمرہ کاموں کے لیے مائیکروسافٹ کی سروسز پر

Read More

واٹس ایپ اسٹیٹس میں تصاویر کے بغیر براہِ راست لوکیشن شیئر کرنے کا نیا فیچر متعارف

واٹس ایپ صارفین اب اسٹیٹس پر تصویر یا ویڈیو کے بغیر بھی اپنی موجودہ لوکیشن

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.