اسلام آباد کے پوش سیکٹر ایف 6 کے کیفے میں تقریب کی ویڈیو سوشل میڈیا پر وائرل ہو رہی ہے جس میں مبینہ طور پر ڈانس اور دیگر تفریحی سرگرمیوں کی جھلک دیکھی جا سکتی ہے۔
ویڈیوز وائرل ہونے کے بعد صارفین اس پر شدید تنقید کرتے نظر آئے کہ آخر اسلامی جمہوریہ پاکستان میں یہ سب کیا ہو رہا ہے اور اس کی اجازت کس نے دی ہے؟
سوشل میڈیا صارفین اس معاملے پر تقیسم نظر آئے کسی نے کہا کہ اس میں کوئی برائی نہیں جبکہ متعدد شہری حلقوں کی جانب سے مطالبہ کیا گیا کہ انتظامیہ اس معاملے کا نوٹس لے اور فوری طور پر وضاحت جاری کرے تاکہ قواعد و ضوابط، اجازت ناموں اور ایس او پیز سے متعلق پائے جانے والے ابہام کو دور کیا جا سکے۔
انصار عباسی نے لکھا کہ حکومت اور اسلام آباد انتظامیہ سے گزارش ہے کہ مختلف پارکس جو منشیات فروشی، نشے کے استعمال کے اڈے بن چکے ہیں کے متلعق مؤثر کارروائی کی جائے۔ ساتھ ہی پارکس میں غیر مناسب سرگرمیوں کی روک تھام اور بہتر نگرانی کا انتظام بھی کیا جائے تاکہ یہ مقامات خاندانوں اور شہریوں کے لیے محفوظ رہیں۔
فواد چوہدری کا کہنا ہے کہ مجھے سمجھ نہیں آ رہی کہ یہاں جرم کیا ہے؟ نہ کوئی شراب ہے، نہ منشیات۔ اگر چند لوگ اکٹھے ہو گئے ہیں تو کیا یہی مداخلت یا مسئلہ بن گیا ہے؟ پھر حکومت چاہتی ہے کہ لوگ پاکستان میں سرمایہ کاری کریں لیکن اس طرح کے ماحول میں کوئی بھی سرمایہ کار آنے سے پہلے ضرور سوچے گا۔
