مصنوعی ذہانت کی بڑھتی من مانی، چیٹ بوٹس کے ہدایات سے انحراف کے سینکڑوں واقعات

حالیہ تحقیق میں مصنوعی ذہانت کے نظام میں بڑھتی ہوئی کمزوریوں کا انکشاف ہوا ہے جس سے ظاہر ہوتا ہے کہ اے آئی کو خطرناک ہدایات دینے سے روکنے کے لیے بنائے گئے حفاظتی ’گارڈ ریلز‘ تیزی سے غیر مؤثر ہوتی جا رہی ہیں۔

ماہرین کے مطابق ان حفاظتی نظاموں کی ناکامی سنگین سیکیورٹی خدشات کو جنم دے رہی ہے کیونکہ اب اے آئی ماڈلز کو اس طرح مینیپولیٹ کیا جا رہا ہے کہ وہ حفاظتی اصولوں کو نظر انداز کر دیتے ہیں۔

برطانیہ کے اے آئی سیکیورٹی انسٹیٹیوٹ کی حمایت سے کی گئی ایک حالیہ تحقیق میں تقریباً 700 حقیقی واقعات سامنے آئے جن میں اے آئی چیٹ بوٹس اور خودکار ایجنٹس نے دی گئی ہدایات سے انحراف کرتے ہوئے حفاظتی پابندیوں کو نظر انداز کیا۔

محققین نے خبردار کیا کہ ان ماڈلز کا رویہ دن بہ دن زیادہ غیر متوقع ہوتا جا رہا ہے اور بعض اے آئی ایجنٹس نے غیر مجاز اقدامات بھی کیے جن میں فائلیں حذف کرنا بھی شامل ہے۔

ماہرین نے اس صورتحال کو ایک نئے اور تشویشناک خطرے سے تعبیر کرتے ہوئے کہا کہ اب اے آئی کو اندرونی سیکیورٹی خطرے کی ایک نئی شکل سمجھا جا سکتا ہے۔

تحقیق کے مطابق اس مسئلے کی ایک بڑی وجہ یہ ہے کہ موجودہ حفاظتی دفاع زیادہ تر سادہ کی ورڈ فلٹرز پر انحصار کرتے ہیں جو بدنیتی پر مبنی پیچیدہ اور کئی مراحل پر مشتمل پرامپٹس کو سمجھنے میں ناکام رہتے ہیں۔

نتیجتاً جیسے جیسے صارفین ان نظاموں کو مختلف انداز سے آزما رہے ہیں اے آئی بعض اوقات غیر ارادی طور پر اخلاقی حدود عبور کر جاتا ہے۔

سائبر سیکیورٹی ماہرین کا کہنا ہے کہ اب وقت آ گیا ہے کہ صرف پرامپٹس کو محفوظ بنانے کے بجائے اے آئی کی صلاحیتوں کے بنیادی ڈھانچے کو محفوظ بنایا جائے۔

ان کے مطابق جب تک کمپنیاں محض ٹیکسٹ فلٹرز کے بجائے انفراسٹرکچر لیول فائر والز متعارف نہیں کراتیں یہ کمزور حفاظتی طریقہ کار صارفین اور اداروں کے لیے خطرہ بنے رہیں گے۔

Share On Social Media

KARACHI

‘میر رضا کا قتل ثابت ہوتا ہے، پولیس کوتاہیوں کا اعتراف کرے’؛ جوڈیشل کمیشن کی رپورٹ

میر رضا علی کی پُراسرار موت کی تحقیقات کے لیے قائم جوڈیشل کمیشن کی رپورٹ

Read More

اپوزیشن دہشت گردی کے خلاف وفاق کا ساتھ دے تو ایمرجنسی ختم ہوسکتی ہے: بلاول بھٹو

پاکستان پیپلز پارٹی کے چیئرمین بلاول بھٹو زرداری نے کہا ہے کہ خیبرپختونخوا کے وزیراعلیٰ

Read More

TECHNOLOGY

حساس امریکی ادارے کے 40 ہزار سے زائد ملازمین کا ڈیٹا لیک

امریکا میں سرکاری اداروں کے ڈیٹا کی سیکیورٹی ایک بار پھر سوالات کی زد میں

Read More

بچوں کے لیے ڈارک ویب ہی نہیں، عام سوشل میڈیا بھی خطرہ بننے لگا، والدین کیا احتیاط کریں؟

بچوں کے لیے انٹرنیٹ کی دنیا جہاں تعلیم، تفریح اور معلومات کے بے شمار مواقع

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.