پاکستان نے برادر اسلامی ملک سعودی عرب پر کیے گئے ڈرون حملوں کی سخت ترین الفاظ میں مذمت کی ہے۔

ترجمان دفتر خارجہ نے کہاکہ سعودی عرب پر ہونے والے حملے مملکت کی خودمختاری اور علاقائی سالمیت کی سنگین خلاف ورزی ہیں اور یہ خطے کے امن و استحکام کو مزید نقصان پہنچانے کی کوشش معلوم ہوتے ہیں۔

بیان میں کہا گیا ہے کہ حکومت اور عوام پاکستان اس مشکل وقت میں سعودی عرب کی حکومت اور عوام کے ساتھ مکمل یکجہتی کا اظہار کرتے ہیں اور مملکت کی سلامتی، امن اور خوشحالی کے لیے اپنی غیر متزلزل حمایت کا اعادہ کرتے ہیں۔