سبزیوں اور پھلوں کی قیمتیں کنٹرول کرنا انتظامیہ کیلئے بڑا چیلنج بن گیا ،دکانداروں من مانے نرخ وصول کرنے لگے ، سرکاری نرخ 35 روپے کلو جبکہ مارکیٹ میں ٹماٹر 50 سے 60 روپے کلو فروخت ہو رہا،پیاز کا سرکاری نرخ 65 روپے اور مارکیٹ میں درجہ اول پیاز سے 80 روپے کلو تک فروخت ہو رہا۔ نیا آلو کا سرکاری نرخ 20 روپے کلو مقرر ہوااور مارکیٹ میں مکس آلو 40 روپے کلو اور درجہ اول 50 روپے کلو فروخت ہو رہا،لہسن چائنہ کا سرکاری نرخ 470 روپے جبکہ مارکیٹ میں لہسن چائنہ 500روپے کلو تک ہے ،لہسن دیسی 200اور لہسن ہرنائی 350 روپے کلو ہے ،ادرک تھائی لینڈ کا سرکاری بدستور 285 روپے کلو جبکہ مارکیٹ میں ادرک نرخ 400روپے کلوتک ہے ،پھول گوبھی کا سرکاری نرخ 110 روپے جبکہ مارکیٹ میں 140 روپے فی کلو تک ہے ،سبز مرچ 120 بھنڈی 100 اور شملہ مرچ 90گھیا کدو 60 روپے کلو تک فروخت ہو رہے ،پھلوں میں آ م دوسہری 250 آم سندھڑی 350 روپے فی کلو فروخت ہو رہا جبکہ کیلا درجہ اول سرکاری نرخ 140 روپے جبکہ مارکیٹ میں 200 روپے فی درجن تک ہے ۔کیلا درجہ دوم 150 روپے درجن ہے۔  فالسہ 300 روپے کلو بکتارہا۔