وفاقی بجٹ 2026-27 ملکی معیشت کیلیے فیصلہ کن قرار

پاکستان کے آئندہ وفاقی بجٹ 2026-27 کو ماہرین نے ملکی معیشت کیلیے فیصلہ کن قرار دیتے ہوئے کہاہے کہ اب وقت آ گیاہے کہ حکومت روایتی ٹیکسوں اور عارضی مالی اقدامات سے آگے بڑھ کر طویل المدتی معاشی اصلاحات متعارف کرائے۔

رپورٹ کے مطابق پاکستان کی موجودہ مالیاتی پالیسی کئی دہائیوں سے محدودٹیکس نیٹ، بالواسطہ ٹیکسوں اور مخصوص طبقوں کو استثنیٰ دینے کے باعث مشکلات کاشکاررہی ہے۔

ماہرین کاکہناہے کہ ٹیکس نظام میں بنیادی تبدیلیاں لاکر وفاقی اورصوبائی سطح پر مربوط ٹیکس فریم ورک قائم کرنا ضروری ہے، تاکہ کاروباری لاگت کم ہو اور معیشت دستاویزی شکل اختیارکرے۔

تجویزدی گئی ہے کہ زرعی شعبے پر حقیقی آمدن کی بنیاد پر ٹیکس عائدکیاجائے،جبکہ چھوٹے کسانوں کو تحفظ فراہم کیاجائے، اسی طرح بڑے زمینداروں اورکمرشل زرعی کاروبارکوٹیکس نیٹ میں لانے کی سفارش بھی کی گئی ہے۔

ماہرین نے اس بات پر زوردیاکہ صنعتوں اور برآمدی شعبے کو بجلی اورقرضوں کی کم لاگت فراہم کیے بغیر معاشی ترقی ممکن نہیں۔ ان کے مطابق برآمدکنندگان پر اضافی ٹیکسوں اورریفنڈ میں تاخیرکاخاتمہ کیاجاناچاہیے، تاکہ عالمی منڈی میں پاکستان کی مسابقت بحال ہوسکے۔

رپورٹ میں کاروباری سرگرمیوں کیلیے ”پاکستان سنگل ونڈو“ کے قیام کی تجویز بھی دی گئی ہے، جہاں تمام این اوسیز، لائسنسز اور اجازت نامے ایک ہی ڈیجیٹل پلیٹ فارم پر دستیاب ہوں۔

اخراجات میں اصلاحات کے حوالے سے سفارش کی گئی کہ سرکاری اداروں اور وزارتوں کی فنڈنگ کوکارکردگی اور قابلِ پیمائش اہداف سے مشروط کیا جائے۔

ساتھ ہی لیبر قوانین کو یکجاکرکے مزدوروں کو بہترسماجی تحفظ اورریٹائرمنٹ سہولیات فراہم کرنے پر بھی زوردیاگیا۔

ماہرین کے مطابق 2026-27 کا بجٹ صرف ایک مالی دستاویز نہیں، بلکہ آئی ایم ایف پروگرام کے بعد پاکستان کی معاشی خودمختاری اور پائیدار ترقی کیلیے واضح روڈمیپ ہوناچاہیے۔

Share On Social Media

KARACHI

پاکستان کے بالائی و شمالی علاقہ جات میں برفباری، خیبر پختونخوا میں بارش کا امکان

پاکستان کے شمالی و بالائی علاقوں اور خیبر پختونخوا کے بیشتر اضلاع میں تیز ہواؤں

Read More

بھرپور صحت: ہفتے میں یہ نباتاتی غذائیں کھائیں اور دیکھیں اس کا کمال

ماہرین کے مطابق خوراک میں پھلوں اور سبزیوں کے ساتھ دالیں، اناج، گری دار میوے

Read More

TECHNOLOGY

اسرائیلی جاسوس کمپنی اسٹار لنک صارفین کی جاسوسی کر رہی ہے: ٹیک ماہرین کا انکشاف

سیٹلائٹ انٹرنیٹ نے ان علاقوں میں بھی رابطے ممکن بنائے ہیں جہاں روایتی انٹرنیٹ سروسز

Read More

مائیکروسافٹ کا 60 ہزار ملازمین کو رضاکارانہ علیحدگی پیکیج دینے کا اعلان

مائیکروسافٹ نے مصنوعی ذہانت پر بڑھتے ہوئے اخراجات کے پیشِ نظر لاگت کم کرنے کے

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.