انسٹنٹ میسجنگ ایپلی کیشن واٹس ایپ صارفین کے لیے نئے انٹرفیس پر کام کر رہی ہے۔
واٹس ایپ بِیٹا انفو کی نئی رپورٹ کے مطابق ایپ جلد ہی ایک نیا ری ڈیزائن شدہ اِن-چیٹ انٹرفیس متعارف کرانے کے قریب ہے۔
دلچسپ بات یہ ہے کہ یہ تبدیلیاں ابھی تک بیٹا یوزرز کے لیے بھی دستیاب نہیں ہیں، لیکن واٹس ایپ بِیٹا انفو نے کسی طرح اس نئے انٹرفیس کو فعال کر لیا ہے، جس میں ایک فلوٹنگ چیٹ بار اور ایک شفاف (ٹرانسلوسنٹ) نیویگیشن بار شامل ہیں۔
دوسری جانب ایپ کی مالک کمپنی میٹا اس نئے ڈیزائن کو جاری کرنے میں خاصی سست روی کا مظاہرہ کر رہی ہے۔ بہت سے صارفین کو ابھی تک یہ نیا یوزر انٹرفیس ملا ہی نہیں، اس لیے لگتا ہے کہ مکمل تبدیلی دیکھنے میں ابھی مزید وقت لگے گا۔
غالب امکان یہی ہے کہ جب یہ ری ڈیزائن مکمل طور پر تیار ہو جائے گا، تب ہی اسے عام صارفین کے لیے باقاعدہ طور پر جاری کیا جائے گا۔
