کراچی کے ناردرن بائی پاس پر قائم ’عوام دوست مویشی منڈی‘ کو ایک ماہ مکمل ہو گیا ، گیارہ سوا یکٹررقبے پر مشتمل عوام دوست منڈی میں ملک بھرکےمختلف شہریوں سےآنے والے قربانی کے جانوروں کی تعداد ایک لاکھ سے زائد ہوچکی ہے ان خیالات کا اظہار ایڈمنسٹریٹر مویشی منڈی فرقان چھیپا،فوڈاسٹریٹ انچارج راوعبید اورانچارج میڈیا سیل ذکی ابڑو نے پریس کانفرنس سے خطاب کرتے ہوئے کیا،فرقان چھیپا نے بتایا کہ ملک کے طول و عرض سے بیوپاریوں کی آمد کا سلسلہ تیزی سے جاری ہے، انہوں نے واضح کیا کہ انتظامیہ نے جانوروں کی صحت پر کوئی سمجھوتہ نہیں کیا، مارشلنگ ایریا میں ویٹرنری ڈاکٹرز کی خصوصی ٹیمیں تعینات ہیں جو ہر جانور کا مکمل طبی معائنہ کرتی ہیں اور صرف صحت مند جانوروں کو ہی منڈی میں داخلے کی اجازت دی جا رہی ہے،رواں سال بیوپاریوں کو وافر مقدار میں چارہ لانے کی اجازت ہے جبکہ جنرل بلاکس میں پلاٹ اور پانی کی فراہمی بالکل مفت ہے،خریداروں اور بیوپاریوں کی سہولت کے لیے کراچی، سندھ، کے پی کے اور بلوچستان کے نام سے مخصوص بلاکس کے علاوہ ڈائمنڈ، گولڈن اور سفائر کیٹیگریز بھی بنائی گئی ہیں اس موقع پر فوڈ اسٹریٹ کے انچارج راؤ عبید نے بتایا کہ شہریوں کی تفریح اور ذائقے کے لیے منڈی میں اعلیٰ معیار کی فوڈ اسٹریٹ قائم کی ہے جہاں بلال بروسٹ،جاوید نہاری، بٹ کڑاہی، پلیٹر ہاؤس اور چودھری محسن فوڈزجیسے بڑے برانڈز اپنے آؤٹ لیٹ ریٹس پر خدمات فراہم کر رہے ہیں،واٹرپمپ کا مشہورتربوز شربت بھی فوڈاسٹریٹ کی زینت بنا ہوا ہے،راوعبید نے بتایا کہ مویشی منڈی میں 70 سے زائد چھوٹے بڑے ہوٹلز، 100 سے زائد دکانیں اور 200 سے زائد کیبن اسٹالز لگائے گئے ہیں، بیوپاریوں اور شہریوں کو ضرور کی ہرچیز ایک ہی چھت تلے میسر ہے مختلف کیٹیگریز کے اسٹالز کا کرایہ 8 سے 80 ہزار روپے تک مقرر کیے گئے ہیں، مویشی منڈی انتظامیہ نے اس عزم کا اظہار کیا کہ وہ شہریوں کو قربانی کے جانوروں کی خریداری کے لیے بہترین اور محفوظ ماحول فراہم کرتے رہیں گے آخر میں میڈیا سیل کے انچارج ذکی ابڑو نے تمام صحافی دوستوں کا شکریہ ادا کیا اس موقع ترجمان میڈیا سیل ام آئمن صاحبہ بھی موجود تھیں