قذافی سٹیڈیم میں پاکستان سپر لیگ (پی ایس ایل) سیزن 11 کی رنگا رنگ انعامی تقریب منعقد ہوئی جس میں کھلاڑیوں نے اپنی بہترین پرفارمنس پر کروڑوں روپے کے انعام وصول کیے۔
فاتح ٹیم پشاور زلمی نے 14 کروڑ روپے کا انعام جیتا، جبکہ رنر اپ ٹیم حیدر آباد کنگز مین کی ٹیم کو 5 کروڑ 60 لاکھ روپے کی انعامی رقم دی گئی۔
ایونٹ میں سفیان مقیم سب سے زیادہ 22 وکٹیں حاصل کرکے ٹورنامنٹ کے بہترین باؤلر قرار پائے، بابراعظم نے سب سے زیادہ 588 رنز بنا کر حنیف محمد کیپس کا انعام اپنے نام کیا۔
اسلام آباد یونائیٹڈ کے کپتان شاداب خان ایونٹ کے بہترین آل راؤنڈر قرار پائے، اس کے علاوہ پشاور زلمی کے کوشل مینڈس کو ٹورنامنٹ کا بہترین وکٹ کیپر قرار دیا گیا۔
