)ناردرن بائی پاس پر قائم ’عوام دوست مویشی منڈی‘ میں جانوروں کی آمد کا سلسلہ 27 ویں روز بھی تیزی سے جاری ہے، جہاں ملک بھر سے بیوپاری اپنے بہترین مویشی لے کر پہنچ رہے ہیں تفصیلات کے مطابق ایڈمنسٹریٹر منڈی طارق تنولی کا کہنا ہے کہ منڈی میں گائے، بیل، بکروں اور اونٹوں کی تعداد اب 80 ہزار کے قریب پہنچ چکی ہے، ملک کے مختلف اضلاع سے جانوروں کی آمد کا سلسلہ وقفے وقفے سے جاری ہے، شہریوں کی بڑی تعداد خریداری اور تفریح کے لیے منڈی کا رخ کر رہی ہے، ویکینڈ کے موقع پر فوڈ اسٹریٹ پر خصوصی ‘قوالی نائٹ’ کا اہتمام کیا گیا ہے، معروف قوال اکبر خمیسو خان آج رات اپنے سحر انگیز کلام سے شہریوں کے دل گرمائیں گے، انتظامیہ کے مطابق گزشتہ روز کی طرح آج اور کل بھی ہزاروں شہریوں کی قوالی نائٹ میں شرکت متوقع ہے، مویشی منڈی میڈیا سیل کے مطابق شہری آن لائن پاسز کے لیے ویب سائٹ aughub.pk پر رجوع کر سکتے ہیں ، ٹھیکیدار عدنان کے مطابق شہری اپنی سہولت کے لیے پارکنگ ایریا میں قائم ونڈوز سے بھی بروقت پاسز حاصل کر سکتے ہیں