سبزیوں میں لہسن مزید مہنگا ہو گیا۔تاہم پیاز نرخ گرنے لگا ہے ۔ ٹماٹر کا سرکاری نرخ بدستور 75روپے کلو جبکہ مارکیٹ میں ٹماٹر 90 سے 100روپے کلو فروخت ہو رہا ،پیاز کا سرکاری نرخ 5 روپے کمی سے 50روپے کلو مقرر ہوا اورمارکیٹ میں درجہ اول پیاز 70 روپے کلو تک فروخت ہو رہا،نیا آلو کا سرکاری نرخ بدستور 22 روپے جبکہ مارکیٹ میں مکس آلو 40روپے کلو اور درجہ اول 50 روپے کلو فروخت ہو رہا،لہسن چائنہ کاسرکاری نرخ 10 روپے اضافے سے 580 روپے کلو اور مارکیٹ میں 650روپے کلو تک ہے ،ادرک تھائی لینڈ کا سرکاری بدستور 285روپے ہے۔

 مارکیٹ میں ادرک نرخ 400روپے کلوتک ہے ،پھول گوبھی کا سرکاری نرخ 115روپے ہو گیا ہے جبکہ مارکیٹ میں 140روپے فی کلو ہے سبز مرچ 150 بھنڈی 180 اور شملہ مرچ 80 روپے کلو فروخت ہو رہی، امرود درجہ اول کا سرکاری نرخ 175روپے جبکہ مارکیٹ میں درجہ اول امرود 220 روپے کلو تک فروخت ہو رہا ،خربوزہ 100سے 150 روپے کلو فروخت ہو رہا،کیلا درجہ اول سرکاری نرخ 215روپے جبکہ مارکیٹ 250روپے فی درجن تک ہے ،کیلا درجہ دوم 200 روپے درجن ہے ۔شہریوں کاکہناہے کہ سبزیاں اور پھل ہماری پہنچ سے باہر ہوگئے ہیں ،انتظامیہ کی کارروائیاں محض نمائشی ہوتی ہیں ۔