ایران نے آبنائے ہرمز اور اپنے فضائی حدود میں امریکی جنگی طیاروں کو نشانہ بنانے کا سلسلہ جاری رکھا ہوا ہے۔
عالمی خبر رساں ادارے کے مطابق ایران نے آج اپنی فضائی حدود میں امریکا کے 2 عدد ایف -35 اور ایک اے-10 طیارہ مار گرانے کا دعویٰ کیا ہے۔
تاہم امریکا نے تصدیق کی ہے کہ مار گرائے جانے والے طیاروں میں F-15E Strike Eagle اور A-10 طیارہ شامل ہے۔
امریکا کے ایف-15 طیارے میں پائلٹ اور عملے کا رکن سوار تھا جن میں سے ایک کو بازیاب کرالیا گیا جب کہ ایک تلاش جاری ہے۔
اس ریسکیو آپریشن کے لیے جانے والے دو امریکی فوجی ہیلی کاپٹرز اور ایک ڈرون کو ایران نے مار گرانے کا دعویٰ کیا ہے۔
ایک امریکی عہدیدار نے بتایا کہ ہیلی کاپٹرز میں موجود تمام اہلکار محفوظ ہیں اور ریسکیو آپریشن ان حملوں کے باوجود بھی جاری ہے۔
ادھر ایرانی فوج نے دعویٰ کیا کہ ایک امریکی A-10 طیارے کو خلیج فارس کے جنوبی حصے میں مار گرایا ہے۔ یہ واقعہ کچھ گھنٹے پہلے ہرمز کے راستے کے قریب پیش آیا۔
ابھی یہ واضح نہیں کہ یہ وہی A-10 ہے جو ایف‑15 کی ریسکیو کے دوران نشانہ بنایا گیا تھا یا الگ واقعہ ہے۔
