سعودی ولی عہد و وزیراعظم شہزادہ محمد بن سلمان نے بدھ کی صبح پاکستان کے وزیراعظم شہباز شریف اور برطانوی وزیراعظم کیئر سٹارمر سے ٹیلی فون پر رابطہ کیا، جس میں خطے کی موجودہ صورتحال، بین الاقوامی سلامتی، اور فوجی کشیدگی کے اثرات پر تفصیلی بات چیت ہوئی۔
اس موقع پر وزیراعظم شہباز شریف نے سعودی عرب کی مکمل حمایت پر زور دیتے ہوئے کہا کہ پاکستان ہمیشہ مملکت کی خودمختاری اور سلامتی کے لیے مضبوط موقف اختیار کرے گا اور ایرانی حملوں کے خلاف کھڑا رہے گا۔
سعودی ولی عہد اور برطانوی وزیراعظم نے بھی خطے میں جاری فوجی کشیدگی اور اس کے عالمی معیشت اور بین الاقوامی نیویگیشن پر پڑنے والے اثرات کا جائزہ لیا۔ برطانوی وزیراعظم نے سعودی سرزمین پر ایرانی حملوں کی شدید مذمت کرتے ہوئے کہا کہ یہ خطے میں سلامتی اور استحکام کے لیے سنگین خطرہ ہیں۔
