سپریم کورٹ نے اڈیالہ جیل میں قید پاکستان تحریک انصاف (پی ٹی آئی) کے بانی عمران خان کی آنکھ کا معائنہ 16 فروری سے پہلے کرانے کا حکم دیتے ہوئے توشہ خانہ فوجداری کیس کا فیصلہ محفوظ کرلیا ہے۔
وزیرِ اعلیٰ خیبرپختونخوا سہیل آفریدی نے سپریم کورٹ کے باہر پریس کانفرنس کرتے ہوئے کہا کہ یہ عمران خان کی ذندگی کا مسئلہ ہے، ان کی آنکھ کی بینائی 10 سے 15 فیصد رہ گئی ہے، پاکستان کے عوام اب ہاتھ پر ہاتھ دھرے نہیں بیٹھ سکتے، تحریک انصاف کے ورکرز کو اب ہم بھی نہیں روک سکتے۔
انہوں نے کہا کہ خیبرپختونخوا کے عوام اگر صوبے کو بند کرتے ہیں تو صوبائی ادارے اور پولیس انہیں نہیں روکیں گے۔
