اسپین کی حکومت نے 5 لاکھ غیر دستاویزی تارکین وطن کو قانونی حیثیت دینے کا فیصلہ کیا ہے۔
غیر ملکی خبر ایجنسی کے مطابق ہسپانوی وزیر برائے مائیگریشن ایلماسیز نے کہا ہے کہ 5 لاکھ غیر دستاویزی تارکین وطن کو قانونی حیثیت دی جائے گی۔
ان کا کہنا تھا کہ اس فیصلے سے مستفید ہونے والے افراد ملک کے کسی بھی حصے میں اور کسی بھی شعبے میں کام کر سکیں گے ، وہ افراد فائدہ اٹھا سکیں گے جو کم از کم 5 ماہ سے اسپین میں رہ رہے ہیں۔
درخواست دینے والوں کا مجرمانہ ریکارڈ صاف ہونا ضروری ہو گا، یہ فیصلہ ان کے ان بچوں پر بھی لاگو ہو گا جو پہلے ہی اسپین میں رہائش پذیر ہیں۔ درخواستیں جمع کرانے کا عمل اپریل میں شروع ہونے کا امکان ہےاور جون کے آخر تک جاری رہے گا۔
خبرایجنسی کے مطابق اس منصوبے کو ایک سرکاری فرمان کے ذریعے نافذ کیا جائے گا، جس کے لیے پارلیمنٹ کی منظوری ضروری نہیں ہو گی، کیونکہ سوشلسٹ قیادت والی اتحادی حکومت کے پاس وہاں اکثریت نہیں۔
