’واٹس ایپ محفوظ نہیں‘، ایلون مسک کی صارفین کو وارننگ

ٹیسلا اور اسپیس ایکس کے چیف ایگزیکٹو ایلون مسک نے  میٹا کی ملکیت والے واٹس ایپ کو ڈیٹا سیکیورٹی کے حوالے سے تنقید کا نشانہ بنایا اور صارفین سے کہا کہ وہ ایکس چیٹ استعمال کریں۔

ایلون مسک کی یہ پوسٹ میٹا کے خلاف دائر ایک مقدمے کے تناظر میں سامنے آئی ہے جس میں واٹس ایپ کی پرائیویسی اور سیکیورٹی سے متعلق دعوؤں کو چیلنج کیا گیا ہے۔

ایلون مسک نے ایکس (سابقہ ٹوئٹر) پر لکھا ’واٹس ایپ محفوظ نہیں ہے۔ حتیٰ کہ سگنل بھی مشکوک ہے۔ ایکس چیٹ استعمال کریں‘۔

مسک نے یہ تبصرہ ایک صارف کی پوسٹ کے جواب میں کیا، جس میں دعویٰ کیا گیا تھا کہ واٹس ایپ اپنے صارفین کی نجی چیٹس پڑھ سکتا ہے، حالانکہ کمپنی اینڈ ٹو اینڈ انکرپشن کا وعدہ کرتی ہے۔

بلومبرگ کی رپورٹ کے مطابق مقدمہ دائر کرنے والے مدعیان کا تعلق بھارت، آسٹریلیا، برازیل، میکسیکو اور جنوبی افریقہ سے ہے۔ مدعیان نے الزام عائد کیا ہے کہ میٹا اور واٹس ایپ صارفین کی نجی گفتگو کو محفوظ کرتے، تجزیہ کرتے اور اس تک رسائی رکھتے ہیں اور اس طرح اربوں صارفین کو دھوکہ دیا گیا۔

واٹس ایپ کا کہنا ہے کہ اس کی اینڈ ٹو اینڈ انکرپشن کی بدولت پیغامات صرف بھیجنے والے اور وصول کرنے والے تک محدود رہتے ہیں۔ میٹا کے ترجمان اینڈی اسٹون نے اس مقدمے کو ’فضول اور بے بنیاد‘ قرار دیتے ہوئے کہا کہ کمپنی قانونی کارروائی کے ذریعے مدعیان کے وکلا کے خلاف پابندیاں حاصل کرے گی۔

واضح رہے کہ میٹا نے 2014 میں واٹس ایپ کو خرید لیا تھا، اور اینڈ ٹو اینڈ انکرپشن گزشتہ ایک دہائی سے اس کا حصہ ہے

Share On Social Media

KARACHI

فیڈریشن ہاؤس کلفٹن میں “ویمنز لیڈرشپ اینڈ اکنامک فورم” کا کامیاب انعقاد

، فیڈریشن ہاؤس کلفٹن میں قائدین، جدت پسندوں اور سماجی رہنماؤں کا ایک اعلیٰ سطحی

Read More

جماعت اسلامی کا ٹرین مارچ ملتان پہنچ گیا، اسلام آباد میں سیکیورٹی ہائی الرٹ

پیٹرولیم لیوی ٹیکس کے خلاف جماعت اسلامی کا سُپر ٹرین لانگ مارچ امیر جماعت اسلامی

Read More

TECHNOLOGY

ایپل کے فولڈ ایبل آئی فون ڈیو کی فروخت جمعے سے شروع، اسٹورز پر محدود تعداد میں دستیاب ہوگا

امریکی ٹیکنالوجی کمپنی ایپل نے اعلان کیا ہے کہ اس کا پہلا فولڈ ایبل اسمارٹ

Read More

مصنوعی ذہانت کی کمپنی کو انسانی مصنف کی تلاش، سالانہ تنخواہ 3 کروڑ 25 لاکھ روپے تک

مصنوعی ذہانت کے معروف نظام کلاڈ (Claude) کی خالق کمپنی انتھروپک نے اعلیٰ تنخواہ پر

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.