25 روز میں 52 لاکھ شادیاں، 7 ہزار 500 ارب روپے کا کاروبار، مگر کہاں؟

بھارت میں شادیوں کا سیزن صرف خوشیوں اور تقریبات ہی نہیں بلکہ بڑے کاروباری مواقع بھی لے کر آرہا ہے۔ آئندہ 25 روز کے دوران ملک بھر میں تقریباً 52 لاکھ شادیاں ہونے کی توقع ہے، جن سے 7.5 لاکھ کروڑ روپے (7 ہزار 500 ارب روپے) کا کاروبار متوقع ہے۔ اس طرح روزانہ اوسطاً 2 لاکھ سے زیادہ شادیاں ہوں گی۔

بھارتی خبر رساں ادارے پی ٹی آئی کے مطابق تاجروں کی تنظیم کنفیڈریشن آف آل انڈیا ٹریڈرز (سی اے آئی ٹی) نے اندازہ لگایا ہے کہ 21 نومبر سے 15 دسمبر تک جاری رہنے والے شادیوں کے اس سیزن میں خریداری، زیورات، ملبوسات، ہوٹلوں، کھانے پینے، ٹرانسپورٹ اور دیگر شعبوں میں غیر معمولی کاروباری سرگرمیاں ہوں گی۔

تنظیم کے مطابق صرف دہلی اور نیشنل کیپیٹل ریجن میں تقریباً 5 لاکھ شادیاں متوقع ہیں، جن سے ڈھائی لاکھ کروڑ روپے (2 ہزار 500 ارب روپے) کا کاروبار ہوسکتا ہے۔ یہ تخمینے 25 ریاستوں کی 550 تجارتی انجمنوں اور 300 سے زائد کاروباری رہنماؤں سے مشاورت کے بعد تیار کیے گئے ہیں۔

سی اے آئی ٹی کے اندازے کے مطابق مجموعی کاروبار میں 4 لاکھ 5 ہزار کروڑ روپے اشیا اور خوردہ خریداری، جب کہ 3 لاکھ 45 ہزار کروڑ روپے خدمات کے شعبے سے حاصل ہونے کی توقع ہے۔

زیورات اور قیمتی دھاتوں کی خریداری سے ایک لاکھ 20 ہزار کروڑ روپے کا کاروبار متوقع ہے، جب کہ ملبوسات کا حصہ 90 ہزار کروڑ روپے ہوسکتا ہے۔ تحائف اور شادی کے لوازمات، کریانہ اور غذائی اشیا کے شعبوں میں 37 ہزار 500 کروڑ روپے فی شعبہ کاروبار کا اندازہ لگایا گیا ہے۔ الیکٹرانکس، خشک میوہ جات، مٹھائیاں اور گھریلو سامان کے شعبوں میں بھی 30، 30 ہزار کروڑ روپے کی خریداری متوقع ہے۔

خدمات کے شعبے میں کھانے پینے کے انتظامات سے 75 ہزار کروڑ روپے، جب کہ شادی ہالز، بینکوئٹ ہالز اور ہوٹلوں سے 60 ہزار کروڑ روپے کا کاروبار ہوسکتا ہے۔ تقریب کے انتظامات، شادی کی سجاوٹ، پھولوں، سفر اور ٹرانسپورٹ کے شعبے بھی اس سرگرمی سے فائدہ اٹھائیں گے۔

تنظیم کے مطابق شادیوں کے اس سیزن میں مختلف شعبوں میں تقریباً ایک کروڑ 25 لاکھ عارضی اور جزوقتی روزگار کے مواقع پیدا ہونے کی توقع ہے۔ ان میں کھانے کے انتظامات، سجاوٹ، فوٹوگرافی، ہوٹلنگ، ٹرانسپورٹ اور تقریب کے انتظامات سے وابستہ افراد شامل ہیں۔

سی اے آئی ٹی کے سیکریٹری جنرل پروین کھنڈیلوال کا کہنا ہے کہ شادیوں کا سیزن تاجروں، صنعت کاروں، ہنرمندوں اور چھوٹے کاروباروں کے لیے معاشی سرگرمیوں کا اہم ذریعہ ہے۔ تنظیم نے صارفین پر زور دیا ہے کہ وہ مقامی کاروبار اور بھارت میں تیار ہونے والی مصنوعات کو ترجیح دیں۔

Share On Social Media

KARACHI

کراچی میں 100 سے زائد بچوں سے بدفعلی کرنے والا ’سیریل ریپسٹ‘ ریمانڈ پر پولیس کے حوالے

کراچی پولیس نے بڑی کارروائی کرتے ہوئے 100 سے زائد بچوں سے جنسی زیادتی میں

Read More

کراچی والے ہوجائیں تیار! گرج چمک کے ساتھ بارش کی پیش گوئی

محکمہ موسمیات نے کراچی کے شہریوں کے لیے بارش کی پیشگوئی کرتے ہوئے کہا ہے

Read More

TECHNOLOGY

فائر وال منصوبہ ناکام،حکومت نے فائیو جی اسپیکٹرم کی نیلامی سے پہلے فائروال مستقل طور پر بند کردی

سوشل میڈیا کی نگرانی اورکنٹرول کےلیےنصب کیا گیا فائر وال منصوبہ ناکام ہو گیا،جس کے

Read More

صحافی نے بڑے چیٹ بوٹس کو غلط معلومات دینے پر مجبور کر دیا، کیسے اور مقصد کیا تھا؟

ایک ٹیکنالوجی صحافی نے دعویٰ کیا ہے کہ انہوں نے محض 20 منٹ میں مصنوعی ذہانت کے بڑے ٹولز کو غلط معلومات دینے پر مجبور

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.