اقوام متحدہ کے ای گورنمنٹ انڈیکس میں پاکستان کی 31 درجے بہتری، عالمی درجہ بندی 119ویں نمبر پر آگئی

اقوام متحدہ کے ای گورنمنٹ انڈیکس 2026 میں پاکستان کی عالمی درجہ بندی میں 4 سال کے دوران 31 درجے بہتری آئی ہے اور ملک 119ویں نمبر پر پہنچ گیا ہے۔ تازہ درجہ بندی میں پاکستان نے گزشتہ جائزے کے مقابلے میں 17 درجے ترقی کی، جب کہ اس کا ای گورنمنٹ انڈیکس اسکور 23 فیصد اضافے کے ساتھ 0.6264 ہوگیا ہے۔

وفاقی وزیر انفارمیشن ٹیکنالوجی شزہ فاطمہ خواجہ نے اس پیشرفت کو پاکستان کے ڈیجیٹل گورننس کے شعبے میں اہم کامیابی قرار دیتے ہوئے کہا ہے کہ عالمی درجہ بندی میں بہتری وزیراعظم شہباز شریف کے ڈیجیٹل نیشن وژن کا ثبوت ہے۔

ان کے مطابق وفاقی اور صوبائی اداروں کی مسلسل کوششوں سے عوامی خدمات کو آن لائن منتقل کیا جا رہا ہے اور ڈیجیٹل رابطوں کا دائرہ وسیع ہورہا ہے۔ انہوں نے کہا کہ پاکستان کی ڈیجیٹل گورننس میں پیش رفت کو عالمی سطح پر تسلیم کیا جا رہا ہے۔

اقوام متحدہ کے اعداد و شمار کے مطابق آن لائن سرکاری خدمات کے شعبے میں پاکستان کا اسکور 0.8422 ہے، جو جنوبی ایشیا میں بھارت کے بعد دوسرا بلند ترین اسکور ہے۔ رپورٹ میں پاکستان کی مجموعی درجہ بندی 119ویں اور آن لائن خدمات کی درجہ بندی 105ویں ظاہر کی گئی ہے۔

اقوام متحدہ کا ای گورنمنٹ انڈیکس سرکاری آن لائن خدمات، ٹیلی مواصلاتی بنیادی ڈھانچے اور انسانی وسائل سمیت مختلف شعبوں میں ممالک کی کارکردگی کا جائزہ لیتا ہے۔ تازہ رپورٹ 19 نومبر 2026 کو جاری کی گئی۔

Share On Social Media

KARACHI

کراچی پورٹ کا ایک اور اعزاز، ملکی تاریخ میں پہلی مرتبہ دو ہزار الیکٹرک گاڑیاں پہنچ گئیں

کراچی پورٹ کو ایک اور اعزاز حاصل ہوگیا ہے جہاں گاڑیوں کی ترسیل کرنے والا

Read More

سفارتخانہ پاکستان واشنگٹن میں مینگو فیسٹیول؛ امریکی و پاکستانی کمیونٹی کی بھرپور شرکت

پاکستانی سفارت خانۂ واشنگٹن ڈی سی میں مینگو فیسٹیول میں امریکی و پاکستانی کمیونٹی نے

Read More

TECHNOLOGY

وزیراعظم شہباز شریف نے پاکستان میں گوگل کے آفس کا افتتاح کردیا

گوگل نے پاکستان میں اپنا باضابطہ دفتر قائم کردیا، وزیراعظم شہباز شریف اور گوگل کے

Read More

بظاہر فیصلہ آپ کا لیکن پیچھے اے آئی کار فرما، نئی تحقیق نے خطرناک پہلو دکھا دیا

مصنوعی ذہانت کے چیٹ بوٹس اب صرف سوالات کے جواب دینے یا معلومات فراہم کرنے

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.