پاکستان کے قریب سمندر میں انٹرنیٹ کیبل میں خرابی؛ سروسز متاثر ہونے کا خدشہ

پاکستان ٹیلی کمیونیکیشن اتھارٹی (پی ٹی اے) نے پاکستان کے قریب سمندر میں بین الاقوامی سب میرین کیبل ’ایس ایم ڈبلیو فائیو‘ میں خرابی کا اعلان کرتے ہوئے خدشہ ظاہر کیا ہے کہ ملک بھر میں انٹرنیٹ صارفین کو سست رفتار اور کنیکٹیویٹی کے مسائل کا سامنا کرنا پڑ سکتا ہے۔

پی ٹی اے کے مطابق بین الاقوامی سب میرین کیبل میں خرابی پاکستانی ساحل سے تقریباً 11 کلومیٹر دور رپورٹ ہوئی ہے، جب کہ کیبل کی بحالی کے لیے اقدامات جاری ہیں۔

اتھارٹی کا کہنا ہے کہ خرابی کی نوعیت معلوم کرنے اور سروس کی بحالی کے متوقع وقت کا تعین کرنے کے لیے متعلقہ ادارے کام کر رہے ہیں۔

پی ٹی اے کے مطابق وہ ٹرانس ورلڈ ایسوسی ایٹس (ٹی ڈبلیو اے) کی ’ایس ایم ڈبلیو فائیو‘ کنسورشیم کے ساتھ رابطے میں ہے اور خرابی کی اصل وجہ اور سروس کی بحالی کے متوقع وقت کا تعین کرنے کے لیے کام کر رہی ہے۔

اعلامیے کے مطابق فی الحال انٹرنیٹ ٹریفک کو متبادل بین الاقوامی لنکس کے ذریعے منتقل کیا جا رہا ہے تاکہ صارفین پر خرابی کے اثرات کم سے کم ہوں اور ممکنہ حد تک سروس جاری رکھی جا سکے۔

پی ٹی اے کا کہنا ہے کہ متعلقہ ادارے سب میرین کیبل کی خرابی دور کرنے کے لیے متحرک ہیں، جبکہ اتھارٹی صورتحال کی مسلسل نگرانی کر رہی ہے۔ ملک بھر میں انٹرنیٹ سروسز معمول کے مطابق بحال رکھنے کے لیے کوششیں جاری ہیں۔

واضح رہے کہ رواں سال یکم جولائی کو بھی بین الاقوامی سب میرین کیبل سسٹم ’ایس ایم ڈبلیو 5‘ میں خرابی کے باعث پاکستان بھر میں انٹرنیٹ کنیکٹیویٹی کے مسائل سامنے آئے تھے۔ یہ خرابی 3 جولائی کو دور کر دی گئی تھی۔

Share On Social Media

KARACHI

کراچی میں 100 سے زائد بچوں سے بدفعلی کرنے والا ’سیریل ریپسٹ‘ ریمانڈ پر پولیس کے حوالے

کراچی پولیس نے بڑی کارروائی کرتے ہوئے 100 سے زائد بچوں سے جنسی زیادتی میں

Read More

کراچی والے ہوجائیں تیار! گرج چمک کے ساتھ بارش کی پیش گوئی

محکمہ موسمیات نے کراچی کے شہریوں کے لیے بارش کی پیشگوئی کرتے ہوئے کہا ہے

Read More

TECHNOLOGY

صحافی نے بڑے چیٹ بوٹس کو غلط معلومات دینے پر مجبور کر دیا، کیسے اور مقصد کیا تھا؟

ایک ٹیکنالوجی صحافی نے دعویٰ کیا ہے کہ انہوں نے محض 20 منٹ میں مصنوعی ذہانت کے بڑے ٹولز کو غلط معلومات دینے پر مجبور

Read More

بھارت کی اے آئی سمٹ مذاق بن گئی؛ بل گیٹس سمیت کئی نامور شخصیات کا شرکت سے انکار

بھارت میں جاری پانچ روزہ ’انڈیا اے آئی امپیکٹ سمٹ‘ اس وقت شدید تنقید کی

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.