ٹرمپ، پیوٹن اور شی جن پنگ کی چین میں تاریخی ملاقات آج ہوگی

امریکی صدر ڈونلڈ ٹرمپ، روسی صدر ولادیمیر پیوٹن اور چینی صدر شی جن پنگ آج جمعرات کو چین کے شہر شین ژین میں تاریخی سہ فریقی ملاقات کریں گے۔ یہ تینوں رہنماؤں کی پہلی باضابطہ سہ فریقی بیٹھک ہوگی، جو ایشیا پیسیفک اقتصادی تعاون (اے پی ای سی) کے سربراہی اجلاس کے موقع پر منعقد ہورہی ہے۔

خبر رساں ادارے رائٹرز کے مطابق تینوں رہنما دنیا کے 3 بڑے جوہری طاقتوں کے سربراہ ہیں اور ان کی ملاقات میں جوہری ہتھیاروں پر کنٹرول، عالمی سلامتی اور بین الاقوامی تعلقات کے اہم معاملات زیرِ بحث آنے کا امکان ہے۔

امریکی صدر ٹرمپ جوہری ہتھیاروں کے ذخائر محدود کرنے کے لیے نئے معاہدے کے خواہاں ہیں، جس میں چین کو بھی شامل کیا جائے۔ تاہم بیجنگ کا مؤقف ہے کہ امریکا اور روس کے جوہری ذخائر چین کے مقابلے میں کہیں زیادہ ہیں، اس لیے پہلے دونوں ممالک کو اپنے ہتھیاروں میں کمی کرنی چاہیے۔

ایران اور یوکرین کی جنگ بھی ممکنہ طور پر مذاکرات کا حصہ ہوگی۔ یوکرین جنگ پر بات چیت کے حوالے سے امریکی حکام کے بیانات میں اختلاف سامنے آیا ہے، تاہم ٹرمپ نے اس معاملے کو بھی زیرِ بحث لانے کا عندیہ دیا ہے۔

تینوں رہنما بدھ کو شین ژین میں اے پی ای سی کی استقبالیہ تقریب میں بھی ایک ساتھ نظر آئے، جہاں ٹرمپ اور پیوٹن نے مصافحہ کیا اور شی جن پنگ کے ساتھ گروپ فوٹو میں شرکت کی۔

رائٹرز کے مطابق تجزیہ کاروں کا خیال ہے کہ اس غیر معمولی ملاقات سے فوری طور پر کسی بڑے معاہدے یا پیشرفت کا امکان کم ہے، تاہم تینوں عالمی طاقتوں کے سربراہان کی ایک میز پر موجودگی کو سفارتی سطح پر اہم پیش رفت قرار دیا جا رہا ہے۔

Share On Social Media

KARACHI

ایف پی سی سی آئی پر ویزا فروخت سے متعلق الزامات بے بنیاد، من گھڑت اور حقائق کے منافی ہیں

فیڈریشن آف پاکستان چیمبرز آف کامرس اینڈ انڈسٹری کے سیکریٹری جنرل نے 21 جولائی 2026

Read More

وفاقی وزرا کے غیر ذمہ دارانہ بیانات سے آزاد کشمیر کا معاملہ پیچیدہ ہورہا ہے، بلاول بھٹو

پاکستان پیپلزپارٹی کے چیئرمین بلاول بھٹو نے کہا ہے کہ آزاد کشمیر کے حالیہ بحران

Read More

TECHNOLOGY

واٹس ایپ نے اینڈرائیڈ صارفین کے لیے نئے فیچر کی آزمائش شروع کردی

معروف میسجنگ ایپ واٹس ایپ نے اینڈرائیڈ صارفین کے لیے ایک نئے فیچر کی آزمائش

Read More

وزیراعظم شہباز شریف نے پاکستان میں گوگل کے آفس کا افتتاح کردیا

گوگل نے پاکستان میں اپنا باضابطہ دفتر قائم کردیا، وزیراعظم شہباز شریف اور گوگل کے

Read More

TRENDING VIDEOS

LATEST

ENTERTAINMENT

ENTERTAINMENT

roznama jazba

Roznama Jazba is a news updated with multiple news

& informative blogs holding valueablle material for all class of society.